Muniireherere hayi weera murowe muteko woolaleera

Ntoko mithukumano mikina, muthukumano weera okheliwe muteko woolaleera, eri yoovaha ya Yehova weera nilipihaneke mukina ni mukwaawe. (Aheb 10:24, 25) Muthukumano woorowela muteko woolaleera ontthuneya weera opakiweke mpuwa mwa iminutu 5 naari 7, apaale neere ha, muhooleli ontthuneya opaka mwaha, waakawa asinna, othanla muttetthe onkela olaleeriwa ni opaka nivekelo mpuwa wa iminutu sene siya. (Wakhala weera muthukumano woorowela olaleera ompakiwa omalakaru muthukumano wa omulokoni, ontthuneya weera opakiwe voowaakuveya) Muhooleli onthuneya othanla mwaha yoowo onkela waakhavihera anamalaleera. Mwa ntakihero, mwaha onthokororiwa esabado pooti okhala woovaha miruku wa etthu anamalaleera enkelaaya olaleera, mwaha wooweera anamalaleera akina khenvara eriyari ya esemana. Miruku heeni mikina sineera sithokororiweke?

• Pooti okhala otthekula ni nyaha sa mBiblyani siri Ekumi ni mutekwaahu wa makristau—Ekadernu ya vamweerini

• Moota woonvarihela noticia onhima etthu ekhumelenle muttetthe anyu, weera mpatxerihe otthekula

• Moota woowaakhula wakhala weera mutthu munlokolelaanyuno oothikila masu munuulumaanyu

• Wakhala weera monphwanya muttthu ohinaakhulela weera Muluku ookhala, nto onaakhulela weera itthu valaponi irimweera othatuwa. Mutthu onuuluma nuulumo nikina naari mutthu oneerela empari ettiini ehinooneya veeli-veeli muttetthe munkhalaanyu

• Moota woovarihela ikaruma siri va esaite jw.org, aplikativo JW Library^® naari Biblya

• Moota woovarihela ikaruma sahu sooxuttiha

• Moota wooweerela empari olaleera moohiyana- hiyana, ntoko telefoone, olepa ikarta, olaleera mapuro oowaattiwa, otthikela oxekura naari soosoma sa Biblya

• Wuupuxerana voohima sa wiikosoopa, moota woowaakuveya vaavo nintthekulaahu ni mutthu, moota wookhalano mukhalelo wooreera moolaleerani, moota woowoonihera nttittimiho ni nyaha mikina

• Yoosoma naari eviidiyu ya ebroxura Mwiilipiheryeke Osoma ni Wiixuttiha

• Moota woomulipiha ni omukhavihera munna munvaraanyuno muteko vamoha woolaleerani

• Yoolepa envareliwa muteko woolaleera naari yookumanano yooreera