Asitokweene envara weera ekosoope muloko wa Yehova

Atthu antxipale khenaattittimiha ale enlamulela. Mwaha wooweera, atthu aasuweliwa ovinyera khalayi weera anamahoolela khenvarihela nnene otokweene aya. (Mik 7:3) Hiyo ninnaxukurela vantxipale mareherero a Yehova, mwaha woowaaxuttiha asitokweene ammulokoni weera ekosoope nnenesene muloko wa Yehova.— Esth 10:3; Mt 20:25, 26.

Moovirikana ni anamalamulela a elapo ela, asitokweene ammulokoni ennavarihela nnene otokweene aya mwaha wansivelo eraayano ni Yehova ni atthu awe. (Yoh 21:16; 1Ped 5:1-3) Ettharaka miruku sa Yesu, asitokweene awo ennaakhavihera anamalaleera eri poothe weera yeereleke eparti emusi ela ya Yehova ni omwaattamela. Asitokweene ala eri oolikaneene weera yaakhavihere atthu a Yehova moomunepani, etempu envoreiwaaya ni ekwaha envirihaaya irisa sa ephattu. Wakhala weera nyuwo munhaawela nikhavihero, munoonela hayi wuuluma ni mutokweene mmoha a muloko anyu? — Yak 5:14.

MOONELE EVIIDIYU ASITOKWEENE ENKOSOOPA MULOKO WA YEHOVA NI AVINYAKA MWAAKHULE MAKOHO ALA:

• Moota heeni asitokweene ammulokoni yaamukhavihenraaya Mariana?

  Mulepeke va inoota sanyu

• Moota heeni asitokweene ammulokoni yaamukhavihenraaya Elias?

  Mulepeke va inoota sanyu

• Vano mwiiwalaanyu sooweereya iya, nyuwo munoonela hayi muteko asitokweene ammulokoni envaraaya?

  Mulepeke va inoota sanyu