Teevi yaari yootthuna ya Muluku aapakaka atthu?

Biblya onnathaliha weera mahuku a mutthu ‘tooyevaxa ni oosareya ohaawa’. (Yobi 14:1) Neereke okumi eene tiyoola Muluku aatthunaawe wa hiyo? Teevi yaari yootthuna ya Muluku aapakaka atthu? Neereke yootthuna ya Muluku enimweereya? Nyuwo munoosiveliwa wiiwa waakhula wa Biblya.

1. Okumi heeni Yehova ontthunaawe wa hiyo?

Yehova ontthuna weera nikhalekeno okumi wooreera. Vaavo aapankaawe elapo, owo aahaahelamu atthu oopatxera Adamu ni Heva, mparadiso: mujadim wÉden. Avinyaka: “Muluku àhàttalisa yawo. Nomalá Muluku àwèrela: ‘Muyaraneke ni mpuhuwihaneke, musarihe elapo ni nweryeke yeyo.’” (Ephattuwelo 1:28) Yehova aatthuna weera yaayareke anamwane ni etatuxe elapo ela okhala eparadiso ni yaakosoopeke asinama. Yootthunaawe yaari yooweera atthu ootheene ekhalekeno okumi wooreera ni okhala mahuku ootheene.

Ekhaikhai weera, itthu khasikhumelenle ntoko Muluku aatthunaawe.a Mene yootthuna ya Muluku khetxentxale. (Yesaya 46:10, 11) Muluku ontthuna weera atthu oowiiwelela ekhaleke mahuku ootheene ni okumi wooreera.—Mmusome Apokalise 21:3, 4.

2. Moota heeni nneeraahu nikhaleno ekumi yoohakalaliha vaanaano va?

Yehova onipanke ni mukhalelo ‘wootthuna omusuwela’, naari neere ha omukokhorela yooworu paahi. (Mmusome Matheyo 5:3-6.) Owo ontthuna weera nikhaleno onthamwene woolipa nuuwo, ‘nèttelaka iphiro sawe sothene ni omusivela Yehova Muluku ni onvarela muteko ni murima wothene’. (Olaleya 10:12; Nsalmu 25:14) Naara eyo, nnoophwanya ohakalala weekhaikhai hata nikumanakano sooxupa. Omukokhorela Yehova onneeriha okumi ahu okhala woohakalala.

3. Yehova ontthuna weera atthu ekhaleno okumi wooreera

Moone EVIIDIYU. Avinyaka mutthekule ni epontu enttharelana.

EVIIDIYU: Mwaha wa heeni Muluku apakaka elapo?—Empari (1:41)

• Ana Muluku opakenle heeni elapo ela yooreera?

Mmusome Koheleti 3:11. Avinyaka mutthekule ni epontu enttharelana:

• Mwa yoolepa ene yeela muxuttenre heeni woohima sa Yehova ni yoolepa ela?

4. Yootthuna ya Yehova wa hiyo khetxentxale

Musome Nsalmu 37:11, 29 ni Yesaya 55:11. Avinyaka mutthekule ni epontu enttharelana:

• Ninsuwela hayi weera yootthuna ya Yehova wa hiyo kheetxentxale?

5. Omukokhorela Yehova onnaniphwanyiha oohakalala weekhaikhai mweekumini mwahu

EVIIDIYU: Miyo kohiiwexexa yootthuna ya okumi (5:03)

• Okumi wa Terumi waatxentxale hayi axutterakaru voohima sa yootthuna ya okumi?

Mmusome Koheleti 12:13. Avinyaka mutthekule ni epontu enttharelana:

• Mwaha woosuwela weera Yehova oonipakela itthu sintxipale, etthu heeni hiyo nneeraahu nipake weera noonihere omuxukurela?

NYAHA SOOTTHUNEYA

Yehova ontthuna weera nikhaleno okumi wooreera mahuku ootheene. Naamukokhorelaka Yehova ni murima wootheene okumi ahu onootxentxa okhuma vaanano vaava, ni onookhala wooreera.

Wuuluula

• Yehova aatthuna heeni emaara aapakaawe Adamu ni Heva?

• Ninsuwela hayi weera yootthuna ya Muluku voohima sa atthu khetxentxale?

• Okumi anyu onkela okhala hayi wooreera?

WEERA MUSUWELE ITTHU SINTXIPALE

Nwehe itthu sinoonihera weera ejardim ya wEdeni yaakhala.

“Ejardim ya wEdeni, etthu yekhaikhai naari neereke etthu yoowootha?” (A Sentinela, 1 a Janeiro a 2011)

Moone mathowa anninroromeliha weera elapo enookhala mahuku ootheene.

“Neereke Elapo enoonyaanyiwa?” (Mwaha va jw.org)

Mmusomeke Biblya weera musuwele yootthuna ya ekumi.

“Teevi eri yootthuna ya okumi” (Mwaha va jw.org)

Mulopwana mmoha oona weera oophwanya itthu sootheene aahaawelaawe mweekumini.

Vano okumi aka wookhalano ni yootthuna (3:55)