Eheeni mpankaanyu weera mphwanelele oBatiziwa?
MAKHALELO A MAKRISTU
Onvarela Muteko Yehova Yoothanla Yooreera
Nyuwo mmiravo muktistu naari na masoma a Biblya, murino yoolakela ya oBatiziwa? Heeni oraaya wootthuneya okhalano yoolakela ela? Wiiveleela ni oBatiziwa onnahula mulako wookhalano onthamwene ni Yehova. (Nsal 91:1) Nave mutthu wa Batiziwa, pooti okhalano eparakha ya ovuluxiwa. (1Ped 3: 21) Eheeni entthuneya anyu opaka weera nweere oBatiziwa?
Moonelele muneenanyu weera moophwanya ekhaikhai. Wakhala weera yookhala enoovalavelihani, mwaasaase osuwela mwaha owo. (Arom 12:2) Muupuwele itthu muntthuneyaanyu otxentxa, mpakeke matxentxo awo weera mmusivelihe Yehova. (Mir 27:11; Aef 4:23, 24) Munvekele Yehova nikhavihero. Muhittiwale weera Yehova onimoovahani ikuru ni wookhaviherani avarihelaka muteko munepa awe wootteela. (1Ped 5:10, 11) Matxentxo munrowaanyu opaka khenkhala amahala, mwaha wooweera onvarela muteko Yehova etthu yootepa oreera.—Nsal 16:11.
MOONELE EVIIDIYU ENEERA: MARUKUNUXO ATTHU AKINA APANKE AYA WIRA APATISIWE. AVINYAKA MWAAKHULE MAKOHO ALA:
Maxupo heeni asinna akina evirihaaya weera ewere oBatiziwa?
Eheeni mutthuneyaanyu opaka weera mukhaleno nroromelo ni wiivaherera wa Yehova?
Eheeni eweerinhe asinna akina otthuna oBatiziwa?
Mareeliho heeni Yehova onrowaawe waavaha ale antthuna onvarela muteko?
Ontaphulela eheeni wiivaherera ni oBatiziwa?