Muteko wooxupa waapakinwe nnikhavihero na Yehova

Ovinyera ihuhu sa khalayi, atthu a Yehova annawera opaka miteko sootikiniha, khaiyene mwaha wooweera arookhalano owera woopaka itthu iyo, mene mwaha woowera ankhaviheriwa ni Yehova. Eyaakha ya 1954, mareherero ahu yaakumihera eviidiyu eneera: Muttetthe wa elapo enyowani evaraka muteko nnuulumo na Englês. Empari yintxipale ya muteko ola wookumihera eviidiyu ela, waapakinwe nasinna anvara oBetheli ehintale ovara muteko wookumihera eviidiyu ntoko ela. Yoothanleliwa yooxupa ntoko ela yaawerinwe opakiwa mwaha wa nikhavihero na munepa wooteela wa Yehova. Muteko owo waavarinwe, onnanroromeliha weera, nakhalano nroromelo wa Yehova nnoowera opaka yoothanleliwa eri poothe.—Zak 4:6.

MOONELE EVIIDIYU ENEERA YOOWEEREYA YA EVIIDIYU “MUTTETTHE WA ELAPO ENYOWANI EVARAKA MUTEKO”. AVINYAKA MWAAKHULE MAKOHO ALA:

• Mwaha wa heeni mareherero ahu ehalaka okumihera eviidiyu voohima sa esede mundial?

• Mwa mukhalelo heeni eBetheli eraaya ntoko erutthu ya mutthu?—1Akor 12:14-20

• Maxupo heeni asinna yaakhumannayano emaara yaapakaaya eviidiyu ela, ni yawenre oviriha moota heeni?

• Nuupuwelaka muteko ola opakinwe, ninxuttera eheeni voohima sa oowera wa munepa wooteela?