MAKHALELO A MAKRISTU
Mmuroromeleke Yehova emaara munveehiwaanyu ni munhasuliwaanyu oxikola
Ohasuliwa ni oveehiwa pooti okhumihera maxupo a weerutthuni ni ammuupuweloni. Pooti okhulumula mukhalelo ahu woomunepani, otepaxa wene vaavo ninwoovaahu atthu ehinaakhulela okokhorela wahu. Vanonto munkela wiikosoopaka moota heeni weera muhiphwanyiwe ni maxupo ala?
Mwaha woomuroromela Yehova, arumeyi akhalai yaawera oviriha maxupa a ottharatthariwa. (Nsal. 18:17) Mwa ntakihero, Estheri aamuleela mwene itthu sootheene Hamani aatthunaawe opaka. (Esth 7:1-6) Mene ohinaaye omuleela, Estheri aahoonihera weera anamuroromela Yehova, vaavo aalakenlaawe ohitxa mpuwa wa mahiku mararu. (Esth 4:14-16) Yookhumelela aya eri yooweera Yehova aamureliha Estheri ni ahaakosoopa atthu a muloko awe.
Amiravo, wakhala weera mutthu oowoopopihani, munvekeleke Yehova nikhavihero ni muulume ni mutthu oowuunuwa ni oolipa moomunepani naari amaminyu naari apapinyu. Ni muroromeleke weera Yehova onimookhaviherani hiihaale ntoko aamukhavinraawe Estheri. Etthu heeni ekina enkela wookhaviherani ovilela emaara munhasuliwaanyu ni oveehiwa?
MOONELE EVIIDIYU MAHIKU A OMIRAVO AKA — KINROWA OPAKA EHEENI EMAARA KINVEEHIWAAKA OXIKOLA? AVINYAKA MWAAKHULE MAKOHA ALA:
Amiravo muxuttenre eheeni ni ntakihero na Charlie ni Ferin?
Asitiithi munxuttera eheeni ni masu a Charlie ni Ferin woohima sa moota woowaakhavihera anamwaniinyu ovilela emaara enhasuliwaaya ni oveehiwa?