Muulumeke ntoko munuulumaanyu

Etthu Filipe aapankaawe

EVIIDIYU: Filipe onnamulaleera mulopwana muthiyope

1. Moone EVIIDIYU, naari musome Miteko 8:30, 31. Avinyaka mwaakhule makoho enttharelana:

1. Filipe aapatxerinhe otthekula ni mulopwana ole amukohaka heeni?

2. Opatxera wawe Filipe wuuluma ntoko onuulumaaweno amukohaka nikoho mulopwana ole, mwaha wa heeni waaraaya wooreera? Ni mwaha wa heeni wuuluma wawe hiihaale waaraaya wooreera weera amuxuttihe ekhaikhai ahaasuwenlaawe?

Ntakihero na Filipe ninnixuttiha eheeni?

2. Nuulumaka ntoko nnuulumaahu, onookhala wookhweya mutthu nnuulumaahuno okhala ootaphuwa ni wiiwa mitthenka ninlaleyaahu.

Mutthareke ntakihero na Filipe

3. Mukhaleke ooweha-weha. Ekhove ya mutthu ni moota onuulumaawe, pooti woonihera waari weera mutthu owo onnatthuna otthekula woohima sa Biblya. Moota mummoonaanyu, neereke onnatthuna wuuluma ni nyuwo? Wakhala weera mohoona weera onnatthuna, nyuwo pooti opatxera otthekula nuuwo woohima sa Biblya mmukohaka ha, “Nyuwo mwaasuwela weera . . . ?” Mene wakhala weera nyuwo mohoonelela weera mutthu owo khantthuna otthekula, muhimunyeserere.

4. Mukhale oopixa murima. Muhuupuweleke weera woopatxerani muntthuneya wuuluma sa Biblya. Nweherereke etempu yoophwanelela weera muulume sa Biblya ni mutthu owo, eyo pooti ohela mpuwa oweherera ekwaha ekina.

5. Mutthu atxentxa vale mwaha. Mutthu pooti otxentxa mwaha muriki wuuluma, wakhala weera yoheereya eyo, mukhale oolikaneene wuuluma etthu yootthuneya voohima sa mwaha mutthu owo onuulumaawe, nnaamweera eyo ehelaka mpuwa otxentxa mwaha munuulumaanyu naari mwaha mwaareherenraanyu.