YOOSOMA 28

Moota heeni muneeraanyu moonihere weera munnaxukurela ele Yehova ni Yesu yoopakenlaayani?

Itthu Simpirimiriwe

Nyuwo munoonela hayi wakhala weera mukhwiinyu ohoovani etthu? Oweharu nyuwo munnahakalala ni mukhwiinyu, weera mmoonihere weera yohoosivelani etthu oovahaaweni. Yehova ni Yesu aanivaha etthu yootepa otthuneya. Yoovaha heeni yeeyo? Ninkela woonihera hayi weera ninnaxukurela yoovaha eyo?

1. Mwa mukhalelo heeni nneeraahu noonihere weera ninnaxukurela ele Yehova ni Yesu anipakenlaaya?

Biblya oororomeliha weera ‘ale aneera emuroromele Yesu’ enookhala nookumi woohima. (Yohani 3:16) Mene entaphulela heeni okhalano nroromelo? Eyo khentaphulela paahi ohima weera kinnamuroromela Yesu. Mene nto, nintthuneya woonihera nroromelo nahu, ni soothanla nimpakaahu ni itthu nimpakaahu. (Yakobe 2:17) Naawooniheraka nroromelo moorwela mwa ele nnuulumaahu ni nimpakaahu, ninnoonihera weera nookhalano nroromelo. Naapakaka eyo, ninnalipiha onthamwene ahu ni Yehova ni Yesu.—Mmusome Yohani 14:21.

2. Ehuhu heeni yoothanleya ennikhavihera woonihera weera asantte wa ele Yehova ni Yesu anipakenlaaya?

Ohiyu awe woomalihera Yesu aawoonihera atthareli awe moota wooweera asantte mwaha wa mukuttho ovanhaawe. Yesu aaweerela awo, ethukumaneke emaara yoothanleya yeeyo Biblya onihimaawe okhala yootxa ya Apwiya nave-tho yoosuweliwaxa okhala wuupuwelela okhwa wa Yesu kristu. (1 Akorinto 11:20) Yesu aatthuna weera oohuseraawe ni ale yeera ekhale makristu ekhaikhai yuupuweleleke weera owo oonivaha okumi awe. Mwa yeeyo, aalamula: “Mpakeke iya mukùpuwelaka miyo.” (Luka 22:19) Naarowelaka wuupuwelela okhwa wa Yesu, ninkela woonihera oxukurela mwaha wa nsivelo ntokotoko Yehova ni Yesu anoonihenraaya.

WEERA MUXUTTERE SINTXIPALE

Moone tho miruku mikina sinnoonihera moota woohela mwiitti nsivelo Yehova ni Yesu anooniheranraaya. Moone tho moota oraaya wootthuneya makristu wuupuwelela okhwa wa Yesu Kristu.

3. Moota woowoonihera weera munnaxukurela

Nkuupuwelani weera nyuwo muroowaleliwa okadeya avinyaka mutthu mukina awoopolani. Neereke mwaamuttiwala ele mutthu owo oopakenlaaweni? Naari neere ha: Neereke mwampaka sootheene weera moonihere oxukurela etthu eyo oopakenlaaweni?

Hiyo ninnatthuneya omuxukurela Yehova mweekumini mwahu. Mmusome 1 Yohani 4:8-10, avinyaka mutthekule ni ipontu sinttharelana:

Mwaha wa heeni mukuttho wa Yesu oraaya yoovaha yoothanleya?
Nyuwo munoonela hayi muupuwelaka ele Yehova ni Yesu yoopakenlaayani?

Ninkela woonihera hayi weera ninnaxukurela ele Yehova ni Yesu anipakenlaaya? Mmusome 2 Akorinto 5:15 ni 1 Yohani 4:11; 5:3. Mwasoma soolepa iya, avinyaka mutthekule ni epontu enttharelana:

Nnaapake heeni weera noonihere oxukurela?

4. Mmutakihe Yesu

Moota mukina woowoonihera oxukurela ori omutakiha Yesu. Mmusome 1 Pedru 2:21, avinyaka mutthekule ni epontu enttharelana:

Moota heeni nyuwo munkelaanyu otthara manaani a Yesu?

Yesu asomaka masu a Muluku va rooluni. — Yesu yannamusivela masu a Muluku ni annalaleya mitthenka sooreera sa Omwene ni annaakhavihera atthu

Yesu yannamusivela masu a Muluku ni annalaleya mitthenka sooreera sa Omwene ni annaakhavihera atthu. — Yesu yannamusivela masu a Muluku ni annalaleya mitthenka sooreera sa Omwene ni annaakhavihera atthu

5. Muroweke omuthukumanoni woowuupuwelela okhwa wa Yesu kristu

Weera musuwele etthu heeni yeereñye nihuku noopatxera na wuupuwelela okhwa wa apwiya, mmusome Luka 22:14, 19, 20. Avinyaka mutthekule ni ipontu sinttharelana:

Eheeni yeereñye nihuku na yootxa ya Apwiya?
Mukatthe ni eviinyu enthoonyera eheeni?—Moone iversu 19 ni 20.

Yesu antthuna weera atthareli awe yuupuweleleke iyaakha soothesene, nihuku owo aakhwiiyaawe. Mwaha wa yeeyo, Anamoona a Yehova annathukumana iyaakha sootheene, weera yuupuwelele okhwa wa Yesu ntoko owo aalamunlaawe. Weera muxuttere wuupuwelela nno wootepa ontthuneya, mwaattapunye alink ala: Moone EVIIDIYU, avinyaka mutthekule ni epontu enttharelana.

EVIIDIYU: Wuupuwelela okhwa wa Yesu (1:41)

Eviidiyu eneera ‘wuupuwele okhwa wa Yesu.’ Anamoona a Yehova ennathukumana weera yuupuwelele eyootxa ya Apwiya.

Eheeni eneereya vamuthukumanoni wa wuupuwelela?

Eparatho ereenemo ephawu yoohiheliwa efermentu ni ekoopho ya ereenemo eviinyu.

Omuthukumanoni wa wuupuwelela mukatthe enthoonyera erutthu yoomalela ya Yesu yeeyo ovelenlaawe wa hiyo. Eviinyu enthoonyera ephome awe

Evinyu evirihiwaka nihuku na wuupuwelela okhwa wa Apwiya.

ATTHU AKINA ANEERA: “Etthu muntthuneyaanyu opaka weera nvuluwe, ori omuroromela Yesu.”

Moota heeni nyuwo mwaakelaanyu onvarihela muteko Yohani 3:16 ni Yakobe 2:17 weera moonihere weera onnatthuneya opaka etthu ekina, ohiya omuroromelaru?

NYAHA SOOTHUNEYA

Moota woowoonihera weera ninnahela mwiitti ele Yesu onipakenlaawe ori omuroromela ni nihitxompelaka muthukumano woowuupuwelela okhwa wawe.

Wuuluula

Omuroromela Yesu ontaphulela eheeni?
Eheeni muneeraanyu mpake weera moonihere oxukurela ele Yehova ni Yesu yoopakenlaayani?
Mwaha wa heeni oraaya wootthuneya orowa omuthukumanoni woowuupuwelela okhwa wa Yesu kristu?

Yoosoma ela kimalinhe nihiku na:

Mpika

Mukhalevo wuupuwelela onkela opakiwa muhoolo wa okhwa wa Yesu Kristu. Mmukohe ole onooxuttihani Biblya, nihuku onkelaaya opakiwa muthukumano owo ni mulepe nihukunene vakalendaariyuni vanyu.

Ekina:

Your other goal

WEERA MUSUWELE ITTHU SINTXIPALE

Okhwa wa Yesu kristu onneeriha opaka eheeni?

Yesu aavarela muteko okumi awe weera anvuwihe Yehova (9:28)

Muxuttere vantxipale voohima sa ororomela.

“Nwaaminiki Anatiri a Yehova” (Owehaweha, a Outubro a 2016)

Musome mwaha oneera: “Miyo kinniisona okhala mutthu oohikhala nikhurumela ni okhala oohakalaleene. Moone moota ekumi ya muthiyana mmoha yaatxentxalaaya iiwexexakaru etthu entaphulelaaya mukuttho wa Kristu.

“Biblya onnatxentxa ikumi saatthu” (A Sentinela, 1.º a Agosto a 2011)

Moone mwaha wa heeni atthu vakhaaneene antxaaya mukatthe ni anwuraaya eviinyu va muthukumanoni wa wuupuwelela.

“Yootxa ya Apwiya—Mwaha wa heeni Anamoona a Yehova enuupuwelelaaya moovirikana ni ittiini ikina?” (Mwaha va jw.org)