Masu oopatxera a eparte 7

Okhumela va, ninkela oxuttera sa mwene Sawuli ni mwene Davidi. Sooweereya 5 sinttharelana, ninrowa woona itthu seereñye mpuwa mwa iyaakha 80. Sawuli aari oowiiyeviha ni oomwiiwelela Yehova. Menento noovira etempu, owo aatxentxa ni aahiya omwiiwelela Yehova. Mwaha wa yeeyo, Yehova khaatthuna osuwela-tho veeli sa yoowo. Ni aamuruma Samuweli weera amuthanle Davidi weera akhale mwene oottharelana a wIsraeli. Sawuli annamukhalela nrima Davidi ni ikwaha sintxipale anneerera omwiiva owo, menento Davidi khatonko winlela otthikiha isikula. Mwanawe Sawuli, Yonathani, aasuwela weera Davidi aathanliwa ni Yehova, menento owo aari oororomeleya wa Davidi. Davidi aapaka soottheka itokweene, menento aamuhiya Yehova weera amuttaruxe. Wakhala weera nyuwo paapa naari maaye, mmukhavihere mwaninyu woona weera ti wooreera okhala oororomeleya wa Yehova ni wa atthu ale aathanliyaawe weera enikosoopeke.