Oyariwa wa Yesu

Kovernatore oRoma Sesare Augustu aakumihera nlamulo nooweera aYuda ootheene yampake namalepela esidade eyarinwaaya. Mwaha wa yeeyo, Yosefe ni Maria yaaheetta ekwaha erowaka oBetelehemu, yeeyo yaari esidade Yosefe aayarinwaawewo. Etempu ene yeele Maria eera ahalelaka oyara.

Ephiyakaru oBetelehemu, nipuro nimoha yaaphwannyaaya weera ekhalemo, naari nikhola yaakhalaayamo apuuru ni inama ikina. Naari nipuro nene nenne Yesu aayarinwaawewo. Maria anvitikelela ikuwo mwaana owo, ni aamwaatalela nipuro yaahiiwaayamo yootxa ya inama.

Waattamela oBetelehemu, yaakhala alipa ookukhula inama yaari omatta yaaweha-weha inama saya. Mootutuxera, naahaakhumelela nlaika ohoolo waya, ni waara wootuthaxa waakhumelela. Akukhuli ale yaatuthuwa, mene nlaika naaweerela: ‘Muhoove. Miyo kiwiiye va weera kooleeleni mitthenka! Mesiya ooyariwa olelo oBetelehemu.’ Avinyaka, yaakhumelela malaika mantxipale wiirimu, yeeraka: ‘Avuwihiwe Muluku wiirimu, ni murettele elapo ya vathi. Nto, malaika yaalakaseya. Etthu heeni alipa ookukhula inama yaapankaaya?

Awosa yaaheerelana mukina ni mukhwaawe: ‘Nrowe vaanaano vaava oBetelehemu!’ Akukhuli ale yaarowa mpaka oBetelehemu, ni yamphwanya Yosefe ni Maria ereene munikholani ni mwanaya.

Akukhuli ale ehimakaru etthu nlaika naahimmaaya, atthu ootheene yaatikhiniheya. Maria aahala uupuwelaka etthu nlaika nuulummaaya ni owo khaattiwanle. Avinyaka, akukhuli ale yaarowa emuxukurelaka Yehova, mwaha wa itthu sootheene yonnaaya ni yiiwalaaya.