Empa yoorakama ya oBabeli

Noovira epula ya mirupi, anamwane a Nowa yahaayara anamwane antxipale. Noovira etempu, imusi saya sahaatxeerereya vantxipale ni yaahirowa okhala mapuro makina a elapo, hiihaale ntoko Yehova aarummaawe.

Mene imusi ikina khasaamwiwelenle Yehova ni saaheera: ‘Nrowe nikhaleke ootheene vaava. Nipake esidade ni empa yoorakama yeeyo eneera ephiye wiirimu. Ninrowa okhala atthu oovuwa!’

Yehova khayamusivela etthu ele yeereya. Moosuwela etthu owo aapankaawe? Yehova aaheeriha weera mootutuxera atthu ootheene yuulumeke muulumo oovirikana. Nkuupuwelani onyakulihana waakhanle! Atthu khayaawera wiiwanana ni eyo yaaheeriha weera empa ele ehiiwe opakiwa. Mwaha wa yeeyo, esidade ele yaahisuweliwa okhala ntoko eBabeli, yeeyo entaphulela “Onyakulihana.” Moottharelana, atthu yaahirowa okhala mapuro makina a elapo, hiihaale ntoko Yehova aatthunaawe. Mene awo yaavirelela opaka itthu soonanara. Neereke khaakhanle mutthu eera amusiveleke Yehova? Nrowe noone.