Wahala Oopacerya
6 Anamwane a Levi+ yaari ala: Gerisoni, Kehathi+ ni Merari.+ 2 Anamwane a Kehathi yaari ala: Amurami, Isehari,+ Hebroni ni Uziyeli.+ 3 Anamwane a Amurami+ yaari ala: Aroni,+ Moise,+ ni Miriyamu.+ Nave anamwane a Aroni yaari ala: Nadabi, Abihu,+ Eleyazari+ ni Itamari.+ 4 Eleyazari aahimuyara Pineha,+ Pineha aahimuyara Abixuwa. 5 Abixuwa aahimuyara Buki, Buki aahimuyara Uzi. 6 Uzi aahimuyara Zerahiya, Zerahiya aahimuyara Merayothi. 7 Merayothi aahimuyara Amariya, Amariya aahimuyara Ahitubi.+ 8 Ahitubi aahimuyara Sadoki,+ Sadoki aahimuyara Ahimaasi.+ 9 Ahimaasi aahimuyara Azariya, Azariya aahimuyara Yohanani. 10 Yohanani aahimuyara Azariya. Owo aahirumeela ntoko namukuttho, empa yeeyo Salomooni aatenke awe oYerusalemu.
11 Azariya aahimuyara Amariya, Amariya aahimuyara Ahitubi. 12 Ahitubi aahimuyara Sadoki,+ Sadoki aahimuyara Xalumi. 13 Xalumi aahimuyara Hilikiya,+ Hilikiya aahimuyara Azariya. 14 Azariya aahimuyara Seraya,+ Seraya aahimuyara Yehosadaki.+ 15 Yehosadaki aahiroihiwa weepotthani, okathi Yehova aaroihale awe weepotthani atthu a oYuda ni a oYerusalemu aavahereryaka mmatatani mwa Nabukodonosori.
16 Anamwane a Levi yaari ala: Gerisomi,* Kehathi ni Merari. 17 Masina a anamwane a Gerisomi yaari ala: Liibini ni Ximeyi.+ 18 Anamwane a Kehathi yaari ala: Amurami, Isehari, Hebroni ni Uziyeli.+ 19 Anamwane a Merari yaari ala: Mali ni Muxi.
Imusi sa alevi moovarihana ni amuhavinre aya tiiya:+ 20 Mwaana a Gerisomi+ aari Liibini, mwaana a Liibini aari Yahathi, mwaana a Yahathi aari Zimma, 21 mwaana a Zimma aari Yowa, mwaana a Yowa aari Ido, mwaana a Ido aari Zerahi, mwaana a Zerahi aari Yayaterayi. 22 Anamwane* a Kehathi yaari ala: mwaana a Kehathi aari Aminadabi, mwaana a Aminadabi aari Kora,+ mwaana a Kora aari Asiri, 23 mwaana a Asiri aari Elikana, mwaana a Elikana aari Ebiyasafi,+ mwaana a Ebiyasafi aari Asiri, 24 mwaana a Asiri aari Tahathi, mwaana a Tahathi aari Uriyeli, nave mwaana a Uriyeli aari Xawuli. 25 Anamwane a Elikana yaari ala: Amasayi ni Ahimoti. 26 Anamwane a Elikana mukina yaari ala: mwaana a Elikana aari Sofayi, mwaana a Sofayi aari Nahathi, 27 mwaana a Nahathi aari Eliyabi, mwaana a Eliyabi aari Yerohami, mwaana a Yerohami aari Elikana.+ 28 Anamwane a Samuweli+ yaari ala: oopacerya oyariwa aari Yoweli, a nenli aari Abiya.+ 29 Anamwane a Merari yaari ala: mwaana a Merari aari Mali,+ mwaana a Mali aari Liibini, mwaana a Liibini aari Ximeyi, mwaana a Ximeyi aari Uza, 30 mwaana a Uza aari Ximeya, mwaana a Ximeya aari Haxiya, nave mwaana a Haxiya aari Asaya.
31 Ala yaari alopwana Davidi aathanlale awe wiira yiipeke isipo mpaani mwa Yehova, nuumala Nivuku opwehiwa mpaani memmo.+ 32 Awo yaahikhalana muritti wa wiipa mutapernaakulu ya etenta* ya muthukumano. Nuumala Salomooni oteka empa ya Yehova oYerusalemu,+ nlelo awo yaanivara muteko yaathanleliwe aya.+ 33 Masina a alopwana yaavara muteko owo vamosa ni anaaya taala: Akehathi, mulipa-oowiipa aari Hemani,+ mwaana a Yoweli,+ mwaana a Samuweli, 34 mwaana a Elikana,+ mwaana a Yerohami, mwaana a Eliyeli, mwaana a Towa, 35 mwaana a Zufi, mwaana a Elikana, mwaana a Mahathi, mwaana a Amasayi, 36 mwaana a Elikana, mwaana a Yoweli, mwaana a Azariya, mwaana a Sefaniya, 37 mwaana a Tahathi, mwaana a Asiri, mwaana a Ebiyasafi, mwaana a Kora, 38 mwaana a Isehari, mwaana a Kehathi, mwaana a Levi, mwaana a Isarayeli.
39 Moono woolopwana wa Hemani, aakhala munnawe, Asafi.+ Asafi aari mwaana a Berekiya, mwaana a Ximeya, 40 mwaana a Mikhayeli, mwaana a Bayasiya, mwaana a Malikiya, 41 mwaana a Ethini, mwaana a Zerahi, mwaana a Adaya, 42 mwaana a Etani, mwaana a Zimma, mwaana a Ximeyi, 43 mwaana a Yahathi, mwaana a Gerisomi, mwaana a Levi.
44 Osuulu wa Merari+ ni axinnawe, yaari moono woothiyana. Weiwo aahikhala Etani+ mwaana a Kiixi, mwaana a Abidi, mwaana a Maluki, 45 mwaana a Haxabiya, mwaana a Amaziya, mwaana a Hilikiya, 46 mwaana a Amisi, mwaana a Bani, mwaana a Xemeri, 47 mwaana a Mali, mwaana a Muxi, mwaana a Merari, mwaana a Levi.
48 Axinnawe alevi yaahithanleliwa* ovara miteko sootheene otapernaakulu, eyo piiyo, empa ya Muluku eekeekhai.+ 49 Aroni ni anaawe+ yaanitthuwiha mwiixi valtaari a yoovaha para opahiwa+ ni valtaari a nsenso,*+ avaraka muteko waavarihana ni itthu soowaaryaxa, wiira awaakiherye itampi atthu a Isarayeli.+ Awo yaanipaka eyo attharaka itthu sootheene Moise murumeyi a Muluku eekeekhai, aarumme awe. 50 Osuulu wa Aroni waari ola: mwaana a Aroni+ aari Eleyazari,+ mwaana a Eleyazari aari Pineha, mwaana a Pineha aari Abixuwa, 51 mwaana a Abixuwa aari Buki, mwaana a Buki aari Uzi, mwaana a Uzi aari Zerahiya, 52 mwaana a Zerahiya aari Merayothi, mwaana a Merayothi aari Amariya, mwaana a Amariya aari Ahitubi,+ 53 mwaana a Ahitubi aari Sadoki,+ nave mwaana a Sadoki aari Ahimaasi.
54 Iya saari mittetthe saya, mapuro yaamanke aya mmuttettheni mwaya: Esoorti yoopacerya yaahimorela osuulu wa Aroni, waari wa emusi ya akehathi. 55 Nto awo yaahivahiwa oHebroni,+ elapo ya oYuda, vamosa ni imatta saya saarukurenrye. 56 Masi ematta ya epooma eyo ni mittetthe saya, yaahinvaha Kalebi+ mwaana a Yefune. 57 Osuulu wa Aroni waahivahiwa ipooma* sootthyawela,+ oHebroni+ vamosa ni oLibina+ ni imatta saya, oYatiri,+ wExitemowa ni imatta saya,+ 58 oHileni ni imatta saya, oDebiri+ ni imatta saya, 59 wAxani+ ni imatta saya, ni oBethi-Xemexi+ ni imatta saya. 60 Nihimo na Beniyamini naahivahiwa oXeeba+ ni imatta saya, wAlemethi ni imatta saya ni wAnatothi+ ni imatta saya. Otakaaha ipooma sootheene saavahiwe aya imusi saya saari 13.+
61 Osuulu wa Kehathi waahanle, waahivahiwa ipooma 10, sa imusi sa mahimo makina ni sa nimeya na nihimo na Manase.+
62 Osuulu wa Gerisomi moovarihana ni imusi saya yaahivahiwa ipooma 13 sa nihimo na Isakari, na Axeri, na Nefetali ni nihimo na Manase, oBaxani.+
63 Osuulu wa Merari, moovarihana ni imusi saya, evonyiwaka esoorti yaahivahiwa ipooma 12 sa nihimo na Rubeni, na Gadi ni na Zabuloni.+
64 Siiso, aisarayeli yaahaavaha alevi ipooma iyo ni imatta saya.+ 65 Nto, evonyiwaka esoorti, awo yaahivahiwa ipooma iya sa nihimo na Yuda, nihimo na Simeyoni ni nihimo na Beniyamini, seiyo siniromoleliwa masina aya.
66 Imusi sikina sa akehathi saahivahiwa ipooma sa nihimo na Efrayimi, ntoko muttetthe aya.+ 67 Awo yaahivahiwa ipooma* sootthyawela, oSikhemi+ ni imatta saya, seiyo saari muttetthe wa omiyaakoni wa wEfrayimi, oXezeri+ ni imatta saya, 68 oYokomowami ni imatta saya, oBethi-Horoni+ ni imatta saya, 69 wAiyaloni+ ni imatta saya ni oGathi-Rimoni+ ni imatta saya. 70 Nave imusi sikina saahanle sa akehathi saahivahiwa ni nimeya na nihimo na Manase, wAneri ni imatta saya vamosa ni oBileyami ni imatta saya.
71 Nimeya na nihimo na Manase, naahivaha osuulu wa Gerisomi, oGolani+ wa oBaxani ni imatta saya vamosa ni wAxitarothi ni imatta saya.+ 72 Nave yaahivahiwa ni nihimo na Isakari, oKedexi ni imatta saya, oDaberathi+ ni imatta saya,+ 73 oRamothi ni imatta saya ni wAnemi ni imatta saya. 74 Yaahivahiwa-tho ni nihimo na Axeri, oMaxali ni imatta saya, wAbidoni ni imatta saya,+ 75 oHukoki ni imatta saya ni oRehobi+ ni imatta saya. 76 Nave-tho yaahivahiwa ni nihimo na Nefetali, oKedexi+ wa oGalileya+ ni imatta saya, oHamoni ni imatta saya ni oKiriyatayimi ni imatta saya.
77 Osuulu mukina waahanle wa Merari waahivahiwa ni nihimo na Zabuloni,+ oRimono ni imatta saya, oTabori ni imatta saya. 78 Nave yaahivahiwa ni nihimo na Rubeni mpantta onikhuma nsuwa wa oYordani, waattamela oYeriko, vamosa ni oBeseri waari woothakoni ni imatta saya, oYahasa+ ni imatta saya, 79 oKedemothi+ ni imatta saya, ni oMefaathi ni imatta saya. 80 Yaahivahiwa-tho ni nihimo na Gadi, oRamothi wa oXileyaadi ni imatta saya, oMahanayimi+ ni imatta saya, 81 oHexeboni+ ni imatta saya, ni oYazeri+ ni imatta saya.