Yoobi

30 “Awo annikitheya,+

Awo amiravo acikhaani okivikana miyo,

Yaawo kahaarowa aka oweemererya axipapaya,

Owaattamela alapwa aniwehaweha ipwittipwitthi saka ni ipuri saka.

 2 Masi alopwana awo kharumenle ikuru saya wiira akikhaliherye,

Ikuru saya soomala.

 3 Awo annikhulumuwa mwaha wa othoiwa ni ovoliwa etala;

Annikhuura khula etthu aniphwanya aya moothakoni,

Othako yoowo ohinikhaliwa.

 4 Awo annittotta mutakhwani makukhu anisiva maakha,

Ni mitathaari soowaawa, anakhuura.

 5 Annoomoliwa mmuttettheni;+

Atthu annaakhuwelela ntoko anikhuweleliwa aya alatarau.

 6 Awo anikhala muxepani,

Mmuttuphani ni muxepani.

 8 Ntoko atthu ahirina ankhili ni ahirina efaita,

Awo ahoomoliwa mulaponi.

 9 Masi, annikiveeha ni isipo saya;+

Nave annikitheya.+

10 Annikithanya ni khanikaattamela;+

Awo khanoovelela okisenela owiitho.+

11 Okhala wiira Muluku ookaakha ikuru saka ni ookiyeviha,

Atthu awo annikivirikanya ni ikuru saya sootheene.

12 Ntoko muttitthi wa atthu ootakhala, awo anneemela moono aka woolopwana;

Annikiiriha otthyawa,

Nave annittiyelela ephiro aka wiira akipwetexe.

13 Awo annihonona iphiro saka

Nave annincererya maxakha aka,+

Ohikhanle mutthu wiira aakhoottiherye.*

14 Annikirweela okhalaka ntoko anivira ephaka epakiwe* vaxirini;

Annithipelela okirweela okathi wa mixankiho.

15 Woova wuulupale wookiphwanya;

Nttittimiho naka ninnikuxiwa okhalaka ntoko nikuxiwe ni epheyo,

Nave woopowa waka onnilakaseya ntoko neeku.

16 Vano kihanle okhwa;+

Kinnihaawa khula nihiku.+

17 Ohiyu, makhuva aka annikipwexa;*+

Owereya iwo khonimala.+

18 Nlaya naka ninnikokhiwa ni ikuru sinceene;*

Ntoko exiko ya nlaya enitita, eyo ennikitthukwa muxikoni.

19 Muluku ookirihela vanttopheni;

Vano miyo ka ntthupi ni ettuurwa paahi.

20 Kinnooxonttelani, masi nyuwo khamunikaakhula;+

Kinneemela ohoolo wanyu, masi nyuwo munookiwehexexa paahi.

21 Mookituphela ni owali;+

Nyuwo munnikituphela ni ntata nanyu noowerya.

22 Munnikeemexa munakivaviha ni epheyo;

Nuumala-vo, munnikipwetexa ni epheyo yuulupale.

23 Miyo koosuwela wiira munookiiva,

Nave kinoorowa opuro yoowo atthu ootheene anrowa aya okumana.

24 Masi khuuvo onimusinsa mutthu onihala okhwa,+

Okathi oniveka awe nikhaliheryo yamphwanya maxakha.

25 Miyo koowunlela atthu yaale anihaawa,

Nave koowoonela othunku alipa-oohaawa.+

26 Nnaamwi kaalipelela etthu yooreera, masi etthu yootakhala tekirwenle;

Kaanilipelela waarya, masi epiphi tekirwenle.

27 Mmirimani mwaka khamuniikhalela;

Mahiku ooxanka annikiphwanya.

29 Alapwa a mutakhwani tari axinnaka,

Nave ka mpatthani a anamwane a mpisa.+

30 Nrapala naka nooriipa, nave-tho noomora;+

Erutthu* aka ennipatta mwaha wa oviha.*

31 Viola* aka onoopiwa paahi okathi wa oriipiwa murima,

Nave ephivi* aka enoopiwa para wunla.