Yesaya
15 Muhupi woophukela oniroiheliwa oMowabi, tuula:+
Okhala wiira muttetthe wa wAri+ wa oMowabi waapwetexiwe ohiyu omosa,
Opuro owo woomaalihiwa.
Okhala wiira muttetthe wa oKiri+ wa oMowabi opwetexiwe ohiyu omosa,
Muttetthe owo woomaalihiwa.
2 Atthu aawela arowaka opuro ori empa* ni aawela mpakha oDiboni,+
Aawela opuro woorakamela musulu wiira yanleke.
Atthu a oMowabi annaakhupanyerya atthu a oNebo+ ni a oMedaba.+
Atthu ootheene aametthiwa mputu+ ni aametthiwa ereru.+
3 Atthu aawara isaakho aneetta mphironi.
Awo anniikhupanyerya ari ene vasulu va empa ni mapuro anivira atthu anceene;
Awo annimora, ananla.+
Tivonto, anakhotto a oMowabi ahinihiya aya okhuwela.
Awo annoova vanceene.
5 Murima aka onniwunlela atthu a oMowabi.
Atthu atthyanwe weiwo, aaphiya oSowari+ ni wEglathi-Xelixiya.+
Awo anninla awelaka etturuuru ya oLuhithi;
Anninla ikuttho arowaka oHoronayimi, mwaha wa ehasara ekhumelenle.+
6 Maasi a oNimirimi aawelela;
Malaxi makithi ahuuma,
Itthu sootheene sihuuma, khiivo etthu ekithi ehanle.
7 Tivonto akunxe aya mireerelo saya saahanle mwaarumasiya ni mihakhu saya;
Awo annilapuwa nxepa na miri.
8 Wunla waya onniiwanyeya mittetthe sootheene sa oMowabi.+
Wiikhupanyerya waya onniphiya wEglayimi;
Wiikhupanyerya waya onniphiya oBeeri-Elimi.
9 Maasi a oDimoni aasareya ephome,
Nave Muluku onookumiherya maxakha makina oDimoni,
Atthu a oMowabi yooponwe ni ale ahanle mulaponi,+
Onimwaakumiherya kharamu.