Yesaya
51 “Mukiwiriyane, nyuwo munaavya exariya,
Nyuwo munimwaavya Yehova.
Nweheke mwala mpasuliwe anyu,
Ni nipuro nimpwexiwa maluku, mukumihiwe anyu.
2 Mmuupuwele paapa anyu Abrahamu,
Ni Sara,+ yoowo ooyanreni.
3 Yehova onooreeriha oSiyoni.+
Onooreeriha milepe saya sootheene,*+
Ni onimwiiriha othako aya olikanaka ni exarti ya wEedeni,+
Nave-tho othako aya woowaataleya, onrowa olikanaka ni exarti ya Yehova.+
Atthu anikhala weiwo, anrowa otthapaka ni otteeliwa murima,
Anrowa oxukhurelaka ni wiipa isipo sooreera.+
4 Nyuwo atthu aka, mukiiwe,
Nyuwo nloko naka,+ mukiwiriyane oratteene.
Miyo kinookumiherya nlamulo,+
Nave kinookumiherya exariya aka, wiira ekhale muthuko onaamwaleela atthu.+
5 Exariya aka eri vakhiviru.+
Atthu anikhala musisironi, anrowa okilipelelaka miyo,+
Nave anrowa olipelelaka owerya waka.
6 Mweemexe muru, nwehe wiirimu,
Nave-tho nwehe vathi.
Erimu enoolakaseya ntoko mwiixi;
Elapo enoohononeya ntoko ekuwo yoowiiswaala,
Nave atthu anikhala memmo, anrowa okhwa ntoko ipwilimwithi.
Muhoove mwaha wa oruwaniwa ni atthu,
Muhixanke mwaha wa oruwana waya.
8 Awo anoolyiwa ni oweexe, siisaale ntoko oweexe onilya aya ekuwo.
Mwaamukokho* onimwaakhuura, ntoko onikhuura awe manri a epwittipwitthi.+
Masi exariya aka, enrowa okhalaka mahiku ootheene,
Nave woopola waka, onrowa okhalaka mpakha maloko ootheene anrowa okhumelela muhoolo”.+
9 Moono wa Yehova+ opake etthu!
Aayo, moono awe opake etthu ni wooniherye owerya waya!
Moono awe opake etthu ntoko wiirale aya khalai.
Kiira ti nyuwo mmuntakanse Rahabi?*+
Kiira ti nyuwo mmuthoronle mwaamunama oowoopiha a mphareya?+
10 Kiira ti nyuwo muumihale ephareya, eyo piiyo, maasi manceene oowiixerya?+
Kiira ti nyuwo mpanke ephiro mphareya moowiixa, wiira alapuweke atthu yoopoliwe?+
11 Atthu a Yehova yaawo yoopoliwe, anoohokolowa.+
Anrowa ohakalalaka ni otteeliwaka murima.
Vano oriipiwa murima ni wunla, onoomala-mala.+
12 “Ti miyo kinoomaalihani.+
Xeeni omoovaka pinaatamu, yoowo onrowa okhwa,+
Nave omoovaka mutthu, yoowo oninyaala ntoko malaxi?
13 Xeeni mmuliyanle anyu Yehova, Mpattuxa anyu,+
Yoowo aatanle erimu+ ni omuthipenle alisenso a elapo?
Okathi wootheene, nyuwo mwaamakela woova onanariwa wa ole oohaaxani,*
Okhalaka ntoko wiira owo aahikhalana owerya wa woopwetexani.
Vano onanariwa wa ole oohaaxani ori woowi?
14 Ole otthukiwe ni ikwirinti, onootaphuliwa voohipisa;+
Owo khonrowa okhwa, nnakhala orowa mulittini,
Nave eyoolya* khenrowa ommalela.
15 Masi miyo ka Yehova, Muluku anyu.
Yoowo onittikinya ephareya ni oniiriha mawimpi aya onyakula.+
Nsina nawe ti Yehova a anakhotto.+
16 Kinoohela moolumo aka mwaano mwanyu,
Kinimookhapelelani ni ntata naka,+
Wiira kaatale erimu ni kaathipele alisenso a elapo,+
Ni kaahimeerye atthu a oSiyoni wiira: ‘Nyuwo mwa atthu aka’.+
17 Nyuwo Yerusalemu,+ nvenye! Nvenye! Mweemele,
Ti nyuwo nwurenrye mmatatani mwa Yehova, ekaalisi ya onanariwa wawe.
Moowurerya ekoopho ya eviinyu;
Moowurya mpakha omaliha etthu yaari mukoophoni, yeeyo enimwiiriha mutthu oxekexeya.+
18 Khuuvo mwaana mmosa mmuyanre anyu, ori weiwo wiira oweettihekeni,
Nnakhala khuuvo mwaana mmosa mmuhunwe anyu, oovarenleni ntata.
19 Itthu iya piili sinimookhumelelani:
Opwetexiwa ni onyaanyiwa, etala ni espaata!*+
Nto ti pani onrowa owoonelani othunku?
Ti pani onrowa woomaalihani?+
Awo annimpaathi mapuro ootheene sinikumana aya iphiro,
Ntoko ipwittipwitthi sa mutakhwani sivariwe muntthavini.
Awo ohaamorela onanariwa wa Yehova ni opwapwela wa Muluku anyu”.
21 Tivonto, xontte nwiriyane etthu ela,
Nyuwo muthiyana oxankale ni ohapaliwe, masi ohiwunrye eviinyu.
22 Etthu onihimya awe Pwiya Yehova, Muluku anyu, yoowo oniwaakiha atthu awe, tiila:
“Moone! Kinookuxa mmatatani mwanyu, ekoopho enimwiiriha mutthu oxekexeya,+
Ekoopho ya eviinyu, ekoopho ya onanariwa waka;
Nyuwo khamunrowa-tho owurerya.+
23 Miyo kinoohela ekoopho eyo mmatatani mwa atthu yaale aniwoopopihani,+
Yaale anoohimeeryani wiira: ‘Mummaathi, wiira neetteke vasulu vanyu!’
Siiso, muhiiriha ettuli anyu okhala ntoko etthaya,
Ntoko ephiro atthu awo aneetta aya”.