Yesaya
64 Vaakhanle wiira moohula erimu ni mookhuruwela vathi,
Nto miyaako sittettemela mwaha wa nyuwo,
2 Ntoko siisaale mooro onipattiha ikhuni soowuuma,
Oniiriha maasi okaphula,
Nto awanani inyu yaamusuwela nsina nanyu,
Nave maloko yaamuthukumela ohoolo wanyu!
3 Okathi mwaapanke anyu itthu sootikiniha, seiyo nahaalipelela ahu,+
Nyuwo mwaahikhuruwa, nave miyaako saahittettemela ohoolo wanyu.+
4 Okhuma khalai, khuuvo iiwale nnakhala ovanhe ephoole,
Khuuvo omoonale Muluku mukina, muhikhanle nyuwo,
5 Mwaahirowa okumana ni atthu yaale onaasivela opaka itthu sa xariya,+
Yaale aniwuupuwelani ni anitthara iphiro sanyu.
Masi mwaahinanariwa,
Okhala wiira hiyo naanootthekelani+ okhuma khalai.
Tivonto, niireke ninniphwanelela woopoliwa?
6 Nto ootheene ahu, naahikhala ntoko mutthu oohireerihiwa,
Miteko sahu sooloka siri ntoko ekuwo yoonanara vanceene.+
Ootheene ahu nnoonyaala ntoko nikukhu,
Nave itampi sahu, sinoonivaviha ntoko epheyo.
7 Khuuvo onittottopela nsina nanyu,
Nnakhala onaavya okhaliheriwa ni nyuwo,
Okhala wiira moonivitherya owiitho wanyu,+
Nave munniniiriha wootta mwaha wa itampi sahu.
8 Khoo Yehova, nyuwo mwa Tiithi ihu.+
9 Nyuwo Yehova, muhinanariwe vanceene,+
Nave muhuupuweleke itampi sahu mahiku ootheene.
Xontte, muhiliyale wiira ootheene ahu na atthu anyu.
10 Ipooma sanyu soowaarya, soopakeya othako.
11 Etemplo ahu yoowaarya ni yooreera,
Yeeyo amuhavinre ahu yoottottopelaayani,
Yoopahiwa ni mooro,+
Nave itthu sahu sootheene saarina efaita ni saanisivela, soohononeya.
12 Okhala wiira itthu iya sihiiraneya, niireke wiira nyuwo Yehova munoothipelela okhootta onikhaliherya?
Niireke munoomaala ni munoonihiya nihaaxiwaka vanceene?+