Nahumi
1 Eprofesia yaalavula sa oNiinive:+ Eliivuru ya itthu ooniheriwe awe Nahumi* a wElikoxi:
2 Yehova, Muluku oniphavela wiira okokhoreliweke mekhawe paahi,+ nave onninla ikuhu.
Yehova onninla ikuhu, nave ori oolikana ene wiira ooniherye onanariwa wawe.+
Yehova onniwunlela ikuhu ale animulupattha,
Nave onnisuka onanariwa para awanani awe.
3 Yehova toopisa onanariwa+ ni ookhalana owerya wuulupale,+
Masi Yehova khonrowa ohiya waahukhumu ale anipaka etampi.+
Owo onnirumeela epheyo ni munamukhaya onihonona,
Nave meeku anlikana ni ntthupi niri munawuni mwawe+
4 Owo onnipwapwela ephareya,+ nto eyo ennuuma;
Nave onnuumiha miro sootheene.+
OBaxani ni oKarmelo onninyaala,+
Nave ifilori sa oLiibano sinninyaala.
5 Miyaako sinnithukumela mwaha wa yoowo,
Nave mattumuxa annitothowa.+
Elapo enoothukumela ohoolo wawe,
Olumwenku ni itthu sootheene sinikhala memmo sinnithukumela.+
6 Ti pani oniwerya weemela owo anyoonyiwa?+
Ti pani oniwerya ovilela onanariwa wawe wuulupale?+
Oviruwa wawe onoomwarexiwa ntoko mooro
Nave myala sinoopwexakasiwa mwaha wa yoowo.
7 Yehova tooloka,+ owo onlikana ni opuro wootthyawela nihiku na mixankiho.+
Owo onniwuupuwela* ale animwaavya ni anitthyawela wa yoowo.+
8 Orumeelaka osareya wa maasi owo onoopwetexa moomalela oNiinive,*
Nave orumeelaka epiphi, onoowoomola awanani awe.
9 Munrowa opaka exeeni wiira mmurukunuwele Yehova?
Owo onimoopwetexani moomalela.
Maxakha khantthikela-tho okhumelela ekwaha ya nenli.+
Masi anoopahiwa ni mooro ntoko sinipahiwa aya malaxi oowuuma.
11 Wa nyuwo onookhuma ole onrowa wuupuwela opaka etthu yootakhala wiira onvirikanye Yehova,
Onookhuma ole onivaha miruku sihirina efaita.
12 Etthu onihimya awe Yehova, tiila:
“Nnaamwi ari ene a ikuru ni oowaatta,
Hata vari siiso, anoomala-malihiwa, nave khantthikela-tho okhala.*
Kinimookumiheryani mixankiho,* masi nkinrowa-tho otthikela.
13 Vano, kinimunta mwiri onirumeela awe wiira oohaaxeni,+
Nave kinookwasa mikhoyi saya.
14 Yehova ooruma oohimyakani nyuwo,*
‘Khonrowa okhala osuulu onrowa okuxa nsina nanyu.
Kinoomala-maliha ilatarato soopatthiwa ni ilatarato sa yuuma mpaani* mwa amuluku anyu.
Kinoothipa mahiye para nyuwo, okhala wiira khamurina efaita’.
15 Ole oniruuha ihapari sooreera,
Mutthu onilaleya murettele,+ onnoorwa oviraka vasulu va miyaako.
Nyuwo Yuda, mutthapele ifesta sanyu,+ mwaamalelihe anatiri anyu,
Okhala wiira khontthikela-tho ovira eriyari anyu mutthu ohirina efaita.
Owo onoopwetexiwa”.