13 Vano, Muluku aahimuhimeerya Abramu wiira: “Musuwele saana wiira osuulu anyu onrowa okhala anamurwa elapo ehikhanle yawaya. Atthu a elapo eyo anrowa waakhaliha ipottha ni waahaaxaka mwa iyaakha 400.+ 14 Masi miyo kinimwaaphukela atthu a nloko nlo anrowa aya okhala ipottha.+ Nuumala-vo, awo anookhuma elapo eyo akunxeene mireerelo sinceene.+

22 Khula muthiyana ohaana onvekela namwaattamanani awe, ni muthiyana ori muletto vatthokoni vawe, itthu sa eparatha, sa eweero ni ikuwo. Mwaawarihe itthu iyo aniinyu axilopwana ni axithiyana. Siiso, munookuxa itthu sinceene sa wExiitu.+

35 Aisarayeli yaahipaka ele Moise aalenle awe. Nto yaahaavekela atthu a wExiitu itthu sa eparatha, sa eweero ni ikuwo.+ 36 Yehova aahiwiiriha atthu awo wooniwaka saana ni atthu a wExiitu. Siiso atthu a wExiitu yaahaavaha itthu yaavenke aya. Nto aisarayeli yaahikuxa itthu sinceene sa wExiitu.+