4 Muluku onrowa okhala mulipa-oophuka milattu sa maloko,

Nave onrowa olokiherya myaha sinaavara atthu anceene.

Atthu awo anoohana ispaata saya,* wiira sikhale ixaruwa,*

Nave anoohana mavaka aya, wiira akhale icampeya.*+

Nloko nimosa khaninrowa orumeela espaata wiira niwane ni nloko nikina,

Nave-tho, atthu awo khanrowa wiixutta owana ekhotto.+

 9 Khanrowa okhalaka akharamu,

Nnakhala inama soowali sa mutakhwani khasinrowa oviraka ephiro eyo.

Khasinrowa ophwanyaneyaka memmo;+

Ale paahi Muluku owooponle awe, tanrowa weettaka ephiro eyo.+

18 Mulaponi mwanyu khonrowa okhala otakhala,

Nnakhala opwetexiwa aahiiso ohononiwa itthu.+

 4 Khula mmosa a yaawo onookilaathi* vamuuttutthini wa mwiri awe wa ewuuva ni wa efiiku,+

Nave khuuvo mutthu onrowa owoopopihaka,+

Okhala wiira Yehova a anakhotto* tohimmye.