• Yeremiya 5:26-28
    Biibiliya a Elapo Esya a Soolempwa Soowaarya

    • 26 Eriyari ya atthu aka aakhala alopwana ootakhala.

      Awo anniipitha ntoko alipa anaaxaya axipalame.

      Awo annireya muraakho woowiiva;

      Nto owo onnaavara atthu.

      27 Ntoko ekeelo yoosareya axipalame,

      Ipa saya soosareya itthu soowiiyiwa.+

      Tivo anikhala aya oowerya ni anithaaciri aya.

      28 Awo tooneneva ni erutthu aya ti yooreera.

      Awo annipaka itthu sinceene sootakhala.

      Nave khaniwaakiha anamwane ahirina apapaya,+

      Wiira itthu siweetteleke saana,

      Nave annikhootta owiirela exariya atthu oohaawa’”.+

  • Mikeya 2:1, 2
    Biibiliya a Elapo Esya a Soolempwa Soowaarya

    • 2 “Aatakhaliwa ale aniphavela opaka itthu sootakhala,

      Yaawo anipaka itthu sootakhala okathi animpaathi aya vakhaamani vaya!

      Vaxa vale awo annipaka ele yuupuwenle aya,

      Okhala wiira aakhalana owerya woopaka eyo.+

       2 Okathi awo aniphavela aya imatta, annikuxa imatta iyo,+

      Okathi aniphavela aya ipa, annikuxa ipa iyo.

      Awo anninwoka mulopwana wiira akuxe empa awe,+

      Nave annimwaakha itthu ovahiwe awe ntoko yoohiyeriwa.