-
Isaalimu 136:5Biibiliya a Elapo Esya a Soolempwa Soowaarya
-
-
5 Owo oopaka erimu ni ankhili,+
Okhala wiira ophenta wawe woororomeleya, onikhala mahiku ootheene.
-
-
Yesaya 40:22Biibiliya a Elapo Esya a Soolempwa Soowaarya
-
-
22 Ohaavo onikhala vasulu va elapo yoovilikeya,+
Nto atthu anikhala mulaponi-mmo, ari ntoko isoope.
-
-
Yeremiya 10:12-16Biibiliya a Elapo Esya a Soolempwa Soowaarya
-
-
12 Owo ti yoole opanke elapo ni owerya wawe,
Aatanle etthaya yooruwerya ni miruku sawe,+
Nave ti yoowo aatanle erimu ni osuwela wawe.+
13 Okathi oniiwanyeya aya nsu nawe,
Maasi a wiirimu anninyakula.+
Nave owo onniiriha meeku* owela osulu, akhumaka omalenle elapo.+
14 Alopwana ootheene annipaka itthu voohuupuwela ni voohisuwela.
Alopwana ootheene anivara muteko ni eweero, animuuliwa muru mwaha wa ilatarato saya soopatthiwa,+
Okhala wiira ilatarato saya sa eyuuma ti seethiru,
Nave khasirina iphumu.+
15 Ilatarato iyo ethiru, miteko soothanyiwa.+
Naphiya nihiku Muluku onrowa awe opwetexa ilatarato iyo, sinoomala-mala.
16 Itthu ovahiwa awe Yakobe khasinlikana ni iya,
Okhala wiira Muluku topanke itthu sootheene,
Nave Isarayeli tori ttootto ohiyeriwe awe.+
Nsina nawe ti Yehova a anakhotto.+
-