Yesaya
52 Nyuwo Siyoni,+ nvenye! Nvenye! Mwiilipihe!+
Nyuwo Yerusalemu, epooma yoowaarya, nware ikuwo sanyu sooreera!+
Atthu oohinnuwihiwa ni oohireerihiwa, khanrowa-tho okela mpooma mwanyu-mmo.+
2 Nyuwo Yerusalemu, mukhume vantthupini, mutathe ntthupi nlo, mukilaathi.
Nyuwo mwaana mwaamuthiyana a oSiyoni nvariwe,+ mukwase ikwirinti siri muxikoni mwanyu.
3 Yehova onihimya wiira:
4 Etthu onihimya awe Pwiya Muulupalexa Yehova, tiila:
“Woopaceryani, atthu aka yaahirowa wExiitu anakhala ntoko anamurwa;+
Nuumala-vo, asiiria yaahaahaaxa vahikhanle mulattu”.
5 Yehova onihimya wiira: “Vano, kinrowa opaka exeeni?”
Nave Yehova onnihimya-tho wiira:
“Atthu aka yaakuxiwe ohikumihiwe musurukhu.
Ale anaalamulela, anniittottopa mwaha wa yeeyo,+ khula nihiku, atthu khanittittimiha nsina naka.+
6 Tivonto, atthu aka anoosuwela nsina naka;+
Nihiku nlo, awo anoosuwela wiira ti miyo kinilavula.
Aayo, ti miyo!”
7 Ti vooreera onweha mutthu* onivira vasulu va miyaako, oruuhaka ihapari sooreera!+
Mutthu onilaleya murettele,+
Mutthu oniruuha ihapari sooreera sa etthu yooreera,
Mutthu onilaleya woopoliwa,
Yoowo onimuhimeerya Siyoni wiira: “Muluku anyu oopacerya olamulela ntoko Mwene!”+
8 Nwiriyane! Alipa-oowehaweha anyu annikhuwela.
Awo annikhuwela moowiiraana atteeliwe ene murima,
Okhala wiira animoona oratteene, okathi Yehova onrowa awe waathukumanya ale anikhala oSiyoni.
9 Nyuwo milepe* sa oYerusalemu,+ mutteeliweke murima ni mutthapeke moowiirana,
Okhala wiira Yehova ohaamaaliha atthu awe.+ Owo omoopola Yerusalemu.+
10 Yehova ohiiriha maloko ootheene+ oweha ikuru sawe soowaarya;
Atthu ootheene anikhala elapo ya vathi, animoona etthu Muluku ahu opanke awe wiira owoopole atthu awe.+
11 Nyuwo munikuxa itthu sinirumeeliwa mpaani mwa Yehova,+ mukhume opuro owo,+ muhuluwe,
Mukhume opuro owo, muhivare etthu yoonanara!+
Mukhumeke opuro owo,+ mukhaleke ooreera!
12 Nyuwo khamunrowa okhuma moovaka,
Nnakhala khamunrowa otthyawa,
Okhala wiira Yehova onirowa okhala ohoolo wanyu,+
Nave Muluku a Isarayeli onirowa okhala ottuli wanyu.+
13 Mwiiwe! Murumeyi aka+ onoopaka itthu mwa miruku,
Owo onookhalihiwa mukhulupale,
Onoottottopeliwa ni onoottittimihiwa vanceene.+
14 Siisaale atthu anceene yanwehale aya atikinihiwe ene,
Okhala wiira erutthu awe yaahihononiwa ovikana erutthu ya mutthu mukina,
Nave yaahihononiwa ovikana erutthu ya pinaatamu,
15 Siiso-tho, atthu anceene anootikinihiwa nuuwo.+