Yesaya
35 Othako ni etthaya yoowuuma, sinoohakalala,+
Othako woowaataleya, onootthapa ni onoosareya ifilori.+
2 Mweekeekhai, moothakoni sinookhuma ifilori;+
Othako onootteeliwa murima ni onootthapa.
Atthu anooweha ovuwa wa Yehova, waarya wa Muluku ahu.
3 Mulipihe matata ootteettheya,
Mulipihe makutha anittettemela.+
4 Mwaaleele ale axankale, wiira:
“Mwiilipihe. Muhoove.
Mwiiwe! Muluku anyu onimoorwa wiira owunlele ikuhu awanani anyu.
Muluku onimoorwa wiira aahukhumu.+
Owo onimoorwa, owoopoleni”.+
6 Okathi owo, atthu oorakala anrowa otuphaka ntoko etthove,+
Nave atthu yahaalavula, anrowa okhuwela atthapaka.+
Maasi anoophattuwa moothakoni,
Nave miro sinoophattuwa moothakoni moowaataleya.
7 Etthaya yoowuuma, enoothatuwa ekhale ntthiya nirina ettheere,
Nave etthaya yoowuuma, anoophattuwa maasi.+
8 Weiwo enookhala ephiro yuulupale,+
Aayo, ephiro eniihaniwa Ephiro Yoowaarya.
Khuuvo mutthu oohiloka* vamaithoni va Muluku onrowa weettaka ephiro eyo.+
Ephiro eyo esukeriwe atthu yaale aneetta memmo;
Khuuvo mulolo onrowa ohapuwela ephiro eyo.
9 Khanrowa okhalaka akharamu,
Nnakhala inama soowali sa mutakhwani khasinrowa oviraka ephiro eyo.
10 Atthu yoopoliwe ni Yehova, anootthikela+ oSiyoni atthapaka.+
Awo anrowa ohakalalaka okathi wootheene.+
Anrowa otteeliwaka murima ni otthapaka,
Nave khanrowa oriipiwaka murima nnakhala wunla.+