Yesaya
57 Naxariya onnookhwa,
Masi khuuvo onicala,
Atthu oororomeleya annookhwa,+
Masi khuuvo onuupuwela wiira anaxariya annookhwa,
Mwaha wa* ehasara.
2 Owo onniphwanya murettele.
Ootheene yaale aneettela exariya, annirowa omumula mmahiye.*
3 “Vano, mukaattamele,
Nyuwo anamwane a muthiyana namirette,
Anamwane a mulopwana namararuwa ni muthiyana namararuwa:
4 Ti pani munimutheya anyu?
Ti pani muninveeha anyu ni ti pani munimuruwana anyu?
Kiira mwa anamwane a anatampi,
Ni mwa anamwane a anawoothe?+
5 Kiira ti nyuwo munisiveliwa vanceene ni amuluku eethiru, eriyari ya miri suulupale,+
Vathi va miri sootheene suulupale?+
Kiira ti nyuwo muniwiiva anamwane muxepani,+
Eriyari ya maluku?
6 Vano, nyuwo muhaathanla amuluku apakiwe ni maluku.+
Nto, nyuwo munrowa okhalana maluku yaawo paahi.
Munnivaha maluku yaawo soovaha siniwuriwa ni soovaha sikina.+
Kiireke kihaana ohakalala ni itthu seiyo?
8 Nyuwo moopweha elatarato anyu mpaani mwanyu.
Mookihiya ni moorula ikuwo sanyu.
Moowela, muncererya opuro vakhaamani vanyu.
Mwaahipaka nivarihano ni ale muniraruwana anyu.
9 Mwaahirowa wa Meleki* mukunxe ene makhura,
Ni eperfuume yinceene.
Muhaaruma anamitthaka anyu orowa ottaiwene,
Tivonto nyuwo mookhuruwela Mmahiye.*
10 Nyuwo mookhulumuwa, muttharaka iphiro sanyu sinceene,
Masi khamuhimmye wiira: ‘Nkirina nlipelelo!’
Nyuwo moophwanya ikuru.
Tivonto muhinooceya anyu.*
11 Ti pani mwaamoova anyu vanceene,
Nto munapacerya wootha?+
Nyuwo khimwaakuupuwenle.+
Khimwaacanle etthu.+
Okhala wiira miyo kaahimaala ni nkaaxinkhe miteko sanyu,+
Nyuwo khimwaakoovale.
12 Miyo kinimoosuwelihani ‘mulattu’+ anyu ni miteko sanyu,+
Nave iyo khasinrowa woophwanyihani mireerelo.+
13 Okathi munrowa anyu okhuwelaka wiira mukhaliheriwe,
Ilatarato muthukumannye anyu, khasinrowa owoopolani.+
Sootheene sinoovavihiwa ni epheyo,
Wiiseeleliwa vakhaani paahi, iyo sinoovava.
Masi mutthu onitthyawela wa miyo, onoohalana elapo,
Ni onookuxa mwaako aka woowaarya.+
14 Vanoohimmwaka wiira: ‘Mpake estaraata! Mpake estaraata! Mulokiherye ephiro!+
Mukumihe khula etthu yaarowa ottiyelela ephiro anvira atthu aka’”.
15 Etthu onihimya awe ole ori vasuluxa,
Yoowo onikhala mahiku ootheene+ ni nsina nawe niri noowaarya,+ tiila:
“Miyo kinikhala nipuro noowaarya, ni noorakamela osulu,+
Masi-tho, kinnikhala ni ale anihaaxiwa ni oowiiyeviha,
Wiira kaalipihe ale oowiiyeviha,
Ni kaakurunuxe murima ale anihaaxiwa.+
16 Miyo nkinrowa waakhootta mahiku ootheene,
Nnakhala nkinrowa onanariwa naawo mahiku ootheene.+
Mwaha wa miyo, atthu yaamutteettheya,+
Aayo, hata itthu sootheene sinimumula, kipattunxe aka.
17 Miyo kaahinanariwa vanceene mwaha wa itampi saya ni mwaha wa ophavela waya eluukuru yoowiiyiwa.+
Tivo, kaahaamana, kaahiipithiha owiitho waka ni kaahinanariwa.
Masi awo yanithipelela weetta ntoko atthu ahiniiwelela,+ attharaka murima aya.
Nave kinootthikela waakurunuxa murima,+ vamosa ni ale aninla naawo”.+
19 Yehova onihimya wiira: “Kinnihela mwaano mwa mutthu, moolumo oottottopela.
Kinimwaavaha atthu anikhala ottaiwene ni anikhala vakhiviru,+ murettele ohinimala,
Nave kinimwaapenuxa”.
20 “Masi atakhali, anlikana ni ephareya yootupa ni ehiniikhalela,
Nave maasi aya animakela omukumiherya ota namalele ni okumiherya mattophe.
21 Atakhali kharina murettele”.+ Muluku aka tonihimya siiso.