Yesaya
40 Muluku anyu onihimya wiira:+ “Mwaakurunuxe murima, mwaakurunuxe murima atthu aka”.
2 “Mwaaleele atthu a oYerusalemu, moolumo ookurunuxa murima,
Nave mwaaleele wiira muteko wookhanyereriwa yaavara aya woomala,
Ni wiira mulattu aya wooliviwa.+
Awo aavahiwa ni Yehova ehukhumu yaaphwanela aya, mwaha wa itampi saya sootheene”.+
3 Ninniiwanyeya nsu na mutthu onikhuwela moothakoni, ohimyaka wiira:
“Mulokiherye ephiro para Yehova!+
Mumpakele Muluku ahu estaraata+ yoowookololowa enivira moothakoni.+
4 Maxepa ootheene asariwe etthaya,
Nave miyaako sootheene ni mattumuxa ootheene apwexakasiwe.
Etthaya yoothipakaseya, ehaana wuuheeliwa,
Nave etthaya yoothetemana ehaana okhalihiwa nipuro noowaataleya.+
5 Ovuwa wa Yehova onimooniheriwa,+
Nave atthu ootheene anrowa woona ovuwa iwo,+
Okhala wiira Yehova tolavunle”.
6 Mwiiwe! Ookhala onihimya wiira: “Mulaleye!”
Nto mukina onnikoha oriki: “Kilaleye exeeni?”
Vano owo onnaakhula iiraka: “Apinaatamu ootheene ari ntoko malaxi makithi.
Ororomeleya* waya wootheene, onlikana ni ifilori sa mutakhwani.+
Mweekeekhai, atthu ari ntoko malaxi makithi.
9 Nyuwo muthiyana muniruuha ihapari sooreera oSiyoni,+
Nwele mwaako woorakama.
Nyuwo muthiyana oniruuha ihapari sooreera oYerusalemu,
Mukhuwele ni ikuru sanyu sootheene.
Mukhuweleke, muhooveke.
Mulaleye ipooma sa oYuda wiira: “Muluku anyu ti yoola”.+
Mwiiwe! Owo ookuxa etthu onrowa awe waatthuvela,
Nave etthu eyo onrowa awe waaliva atthu, eri nuuwo.+
11 Ntoko makampusi, owo onookhapelela* nikoto nawe.+
Ni moono awe, owo onoothukumanya ipwittipwitthi sawe,
Nave onooteexa iyo vapeeto vawe.
Owo onimweettihaka vakhaani-vakhaani, ipwittipwitthi siniwaamwiha axaana aya.+
Ti pani otonko othukumanya ntthupi na mulaponi wiira ophime,+
Aahiiso ophimme miyaako vapalansani?
Ni ti pani otonko ophima mattumuxa vapalansani?
13 Ti pani otonko ophima ikuru sa* Yehova?
Nave mutthu xeeni okhanle onvaha miruku ni omwiixuttiha etthu?+
14 Ti pani otonko awe omukoha wiira osuwele etthu?
Aahiiso ti pani onimwiixuttiha ephiro ya xariya?
Aahiiso onimwiixuttiha etthu?
Wala ti pani omoonihenrye ankhili eekeekhai?+
15 Maloko ari ntoko nttonttoni* nimosa na maasi nimmorela mpaltini,
Nave ari ntoko ntthupi nootepa oxileya nihanle vapalansani.+
Owo onniteexa isisiro* ntoko ntthupi nootepa oxileya.
16 Hata etakhwa ya oLiibano, kherina miri sinceene siniphiyerya opattiha mooro onipatta okathi munceene,
Hata etakhwa eyo kherina inama siniphiyerya ovaha yoovaha para opahiwa.
18 Munrowa omulikanyiha Muluku naani?+
Munrowa omulikanyiha ni elatarato xeeni?+
19 Mutthu onnipaka elatarato,
Nto mulipa onihana iyuuma, onnisirikela elatarato eyo ni eweero,+
Nave onnipaka ikwirinti sa eparatha.
20 Mutthu onnithanla mwiri wiira okhale etthu onrowa awe ovaha,+
Onnithanla mwiri ohinrowa wuntta.
Owo onnimwaavya mutthu onisuwela opattha saana,
Wiira opatthe elatarato ehinrowa omora.+
21 Kiireke khamunisuwela?
Kiireke khamwiiwale?
Kiireke khamusuwelihiwe okhuma woopaceryani?
Kiireke khamunisuwela okhuma okathi yoole elapo epattuxiwe aya?+
22 Ohaavo onikhala vasulu va elapo yoovilikeya,+
Nto atthu anikhala mulaponi-mmo, ari ntoko isoope.
23 Owo onniwiiriha makhulupale ohikhala etthu,
Nave onniwiiriha alipa-oophuka milattu* a mulaponi, okhala eethiru.
24 Awo animwiira aphatteiwaka-ru,
Animwiira yaaliwaka-ru,
Mitathaari saya sinimwiira sirapelaka-ru vathi,
Awo anniiseeleliwa anuuma.
Nave epheyo ennaavaviha ntoko malaxi oowuuma.+
25 Muluku Oowaarya onihimya wiira: “Munikilikanyiha ni aani? Ti pani onilikana ni miyo?”
26 “Mweemexe muru, nwehe wiirimu.
Ti pani opattunxe itthu iya?+
Tuule onihoolela itthu iyo ntoko anakhotto ni onisuwela nummeru naya;
Owo onniihana sootheene oromolaka nsina naya.+
Mwaha wa ikuru sawe soowaatta ni owerya wawe woowoopiha,+
Sootheene siri opuro aya.
27 Xeeni nyuwo Yakobe, nave xeeni nyuwo Isarayeli, munihimya anyu wiira:
‘Okumi aka woovitheya vamaithoni va Yehova,
Nave Muluku khonikiirela exariya’?+
28 Niireke khamusuwenle? Niireke khamwiiwale?
Yehova, Mpattuxa a elapo, okhuma oponta mpakha oponta, ti Muluku onikhala mahiku ootheene.+
Owo khonivela nnakhala khonikhulumuwa.+
Khuuvo oniwerya waasuwela ankhili awe.+
30 Amiravo anoovela ni anookhulumuwa,
Nave amiravo acikhaani anookwattuliwa* ni anoomora.
31 Masi ale anlipa ni Yehova, anootthikela ophwanya ikuru.
Awo anoovava mpakha osulu, ntoko axawawe.*+
Anrowa otthimakaka, masi khanrowa okhulumuwaka;
Anrowa weettaka, masi khanrowa otemwaka”.+