Yesaya
55 Nyuwo ootheene nvoliwe ntthona,+ murwe nwurye maasi!+
Nyuwo muhirina musurukhu, murwe mukuxe eyoolya anyu!
Aayo, murwe mukuxe eviinyu ni eleeti,+ mahala ene.+
2 Xeeni munimakela anyu othuma itthu sihikhanle eyoolya?
Nave xeeni munimaliha anyu musurukhu anyu,* ni itthu sihinivoniha?
Mukiwiriyane oratteene, nto munimoolya eyoolya yooreera,+
Nave vanimoosivelani olya eyoolya yootepa osiva.+
3 Mukiwiriyane ni murwe.+
Mukiiwe, nto nyuwo munookhala akumi,
Miyo kinoopaka ni nyuwo nivarihano nihimmala,+
Kimuttharaka natiri kammanenle aka Davidi, wiira kammooniherya ophenta waka woororomeleya. Natiri owo toororomeleya.+
5 Moone, nyuwo munimwiihana nloko muhinisuwela anyu,
Atthu a nloko nihinoosuwelani, animootthimakelani,
Mwaha wa Yehova, Muluku anyu,+ Muluku Oowaarya a Isarayeli,
Yoowo onrowa woovuwihani.+
6 Mmwaavyeke Yehova, okathi yoola oniphwanyaneya awe.+
Mmwiihane okathi yoola ori awe vakhiviru.+
Atthikele wa Yehova, yoowo onrowa waamorela ikharari,+
Amutthikele Muluku ahu, okhala wiira onimwaalevelela ni murima awe wootheene.+
8 Yehova onihimya wiira: “Miyuupuwelo saka, soovirikana ni miyuupuwelo sanyu,+
Nave iphiro saka, soovirikana ni iphiro sanyu”.
9 “Ntoko erimu erakamelanne aya ni elapo ya vathi,
Siiso-tho, iphiro saka soorakamelana ni iphiro sanyu,
Nave miyuupuwelo saka soorakamelana ni miyuupuwelo sanyu.+
10 Epula ni eneevi ennimora osulu.
Siisaale ehinitthikela aya osulu, ehinaaninhe etthaya, ehimelinhe ipyo ni wiimiha mihokorokho,
Nave ehinvanhe ipyo mulipa-oowaala ni ehaavanhe eyoolya atthu,
11 Siiso-tho, eyo ti etthu enikela wiiraneya ni moolumo anikhuma mwaano mwaka.+
Awo khanitthikela wa miyo ahivanre muteko aya.+
Miyaako ni mattumuxa, sinootthapa ohoolo wanyu, sitteeliwe ene murima,+
Nave miri sootheene sa mutakhwani, sinoomana makuphi.+
13 Nipuro naamenle miri sa miiwa, sinrowa omela miri siniihaniwa xuniiperu,+
Nave nipuro naamenle oyele, onrowa omela mwiri oniihaniwa murta.
Nto eyo enonvuwiha Yehova.+
Nave enrowa okhala esinaale ehinrowa omala”.