Mikeya
Awo annimmana owiitho ni ekopo mulipa-oophuka a wIsarayeli.+
Eriyari anyu onookhumelela ole onrowa olamulelaka wIsarayeli,+
Yoowo opattuxiwe okhuma khalai, okhuma mahiku a khalai avinre.
3 Nto owo onimwaanyanyala,
Mpakha okathi muthiyana ole onihala oyara onrowa awe oyara.
Nave axinnawe ahanle animwaatthikela atthu a wIsarayeli.
4 Owo onimweemela ni onimwaahoolela atthu awe ni ikuru sa Yehova,+
Ni owerya wa nsina na Yehova, Muluku awe.
5 Nave owo onooruuha murettele.+
Vakhala wiira atthu a wAsiiria anookela elapo ahu ni anoonyaanya ipa sahu soorakamela osulu soolipihiwa,+
Hiyo nnimwaaroihela amakampusi 7, aayo, nnimwaaroihela makhulupale* 8 a apinaatamu.
Nave owo onoonoopola mmatatani mwa atthu a wAsiiria,+
Okathi anrowa aya okela elapo ahu ni ohonona muttetthe ahu.
7 Atthu ahanle a etthoko ya Yakobe anrowa okhala eriyari ya atthu anceene,
Ntoko okame onikhuma wa Yehova,
Ntoko epula ennaaniha malaxi,
Yeeyo ehinimuroromela mutthu,
Nnakhala ehinaalipelela anamwane a atthu.
8 Atthu anrowa ohala a etthoko ya Yakobe anrowa okhala eriyari ya maloko,
Eriyari ya atthu anceene,
Ntoko kharamu eriyari ya inama sa mutakhwani.
Ntoko kharamu mwaamukhaani eriyari ya makoto a ipwittipwitthi,
Yoowo onivira, onatuphela, onakhuura,
Ohinakhala mutthu oowaakiherya.
9 Nyuwo munimwaawerya awanani anyu,
Nave awanani anyu ootheene anoopwetexiwa”.
10 Yehova onihimya wiira: “Nihiku nlo,
Kinoomala-maliha ikhavalo sanyu eriyari anyu, nave kinoohonona ikaaro sanyu sa ekhotto.
11 Kinoopwetexa ipooma sa elapo anyu,
Nave kinoonyaanya mapuro anyu ootheene oolipihiwa.
12 Kinoomala-maliha itthu sookhwiri munipaka anyu,
Nave khuuvo onipaka maxitta onrowa ohala eriyari anyu.+
13 Kinoopwetexa ilatarato sanyu soopatthiwa ni ipilaari sinikokhoreliwa eriyari anyu,
Nave khuuvo onrowa otthikela okokhorela miteko munivara anyu ni matata anyu.+
15 Kinanariwe ene vanceene, kinoowunlela ikuhu
Atthu a maloko ahinikiiwelela”.