Yesaya
38 Mahiku ale, Ezekiya aahiwereiwa onahala okhwa.+ Profeta Yesaya,+ mwaana a Amozi, aahirwa onamuleela wiira: “Etthu onihimya awe Yehova, tiila: ‘Mwaavahe malakiheryo atthu a etthoko anyu, okhala wiira nyuwo khamunrowa openuwa,+ munimookhwa’”. 2 Siiso, Ezekiya aahirukunuwela oxirini, onapacerya onvekela Yehova, oriki: 3 “Khoo Yehova, xontte, muhiliyale+ wiira kiheetta voororomeleya ohoolo wanyu ni murima aka wootheene,+ nave koopaka itthu sooloka vamaithoni vanyu”. Nto Ezekiya aahipacerya wunla vanceene.
4 Nuumala-vo, Yehova aahimuleela Yesaya wiira: 5 “Mutthike, mwamuleele Ezekiya wiira:+ ‘Etthu onihimya awe Yehova, Muluku a muhavinre anyu Davidi, tiila: “Kihiiwa ovekela wanyu.+ Nave kihoona maithori anyu.+ Kinimuncererya okumi anyu,* iyaakha 15.+ 6 Nave kinoowoopolani ni kinimoopola epooma ela mmatatani mwa mwene a wAsiiria. Nave-tho, kinimwaakiha epooma ela.+ 7 Esinaale ya Yehova, enooniherya wiira Yehova onoomaleliha moolumo olavunle awe, tiila:+ 8 Kinoottikiherya ottuli muuttutthi wa nsuwa, mpakha mavalo 10 vaxikattani ya Akhazi”’”.+ Siiso, muuttutthi yoowo waakhurunwe, waahitthikela ottuli mavalo 10 vaxikattani.
9 Ala ti moolumo a mwene Ezekiya, a oYuda, okathi aawereiwale awe, khipenuwa.
10 Miyo kaahihimya wiira: “Nlelo kihuuluvanle,
Kihaana ovolowa mikhora sa oMahiye.*
Kinookhoottiheriwa iyaakha sihanle sa okumi aka”.
11 Miyo kaahihimya wiira: “Nkinrowa onweha Yah,* nnaari, nkinrowa okhala mukumi+ wiira kinwehe Yah.
Nkinrowa-tho waaweha apinaatamu,
Okhala wiira kinrowa okhalaka ni alipa-ookhwa.
Okumi aka ohuupaanyiwa ntoko mulipa-ootthava ikuwo onuupaanya awe ekuwo;
Muluku onnikikwasa, ntoko anikwasiwa aya maliinya a ekuwo enitthaviwa.
Munnikimala-maliha, okhuma voosiisu mpakha ohiyu.+
13 Miyo kihiimaaliha mpakha voosiisu.
Muluku onnintakasa makhuva aka ootheene ntoko kharamu;
Munnikimala-maliha, okhuma voosiisu mpakha ohiyu.+
Maitho aka aavela oweha osulu.+
Miyo koohimya wiira: ‘Khoo Yehova, kooxanka vanceene;
Mukikhaliherye!’+
15 Kinrowa ohimya exeeni?
Muluku oolavula ni miyo ni oopaka etthu.
Okumi aka wootheene kinrowa okhalaka oowiiyeviha,
Mwaha wa oxanka waka vanceene.
16 Miyo koohimya wiira: ‘Yehova, atthu ootheene annikhala akumi mwaha wa nyuwo,*
Nave mwaha wa nyuwo, miyo kinnikhala mukumi.
Nyuwo munootthikela okivaha ekumi yooloka ni munookikhaliha mukumi.+
17 Masi, ohiya okhalana murettele, kaahixanka vanceene;
Nyuwo mookaakiherya wookhwaani,+
Mwaha wa okiphenta wanyu.
Moorihela ottuli wanyu, itampi saka sootheene.*+
Ale anrowa mulittini, khanwerya-tho oweha ororomeleya wanyu.+
19 Atthu akumi, aayo, atthu akumi paahi taniwerya woottottopelani,
Ntoko miyo kiniira aka olelo-va.
Paapa onniwerya omusuweliha mwanawe ororomeleya wanyu.+
20 Khoo Yehova, mukoopole.
Nnimwiipa isipo saka, nittharihaka ikaruma sirina mikhoyi,+
Mahiku ootheene a okumi ahu, empa ya Yehova’”.+
21 Vano Yesaya aahihimya wiira: “Muruuhe ifiiku soowuuma soonyakattiwa, muhele vathukuni, wiira owo openuwe”.+ 22 Ezekiya aahikoha khalai ene wiira: “Esinaale xeeni enooniherya wiira kinoorowa empa ya Yehova?”+