Wahala Oopacerya
5 Ala anamwane a Rubeni,+ mwaana oopacerya oyariwa a Isarayeli. Owo aari mwaana oopacerya oyariwa, masi mwaha woorupa ni muthiyana mukina* a paapa awe,+ etireitu* awe yookhala mwaana oopacerya oyariwa yaahivahiwa anamwane a Yosefe,+ mwaana a Isarayeli. Nto, elista ya imusi saya, khaaheliwe ntoko mwaana oopacerya oyariwa. 2 Nnaamwi Yuda+ aari muulupale waavikana axinnawe, nave muhooleli aarowa okhuma mweemusini mwawe,+ etireitu yookhala mwaana oopacerya oyariwa yaari ya Yosefe. 3 Anamwane a Rubeni, mwaana oopacerya a Isarayeli, yaari ala: Hanoki, Palu, Esironi ni Karmi.+ 4 Ola waari osuulu wa Yoweli: Mwaana a Yoweli aari Xemaya, mwaana a Xemaya aari Gooki, mwaana a Gooki aari Ximeyi, 5 mwaana a Ximeyi aari Mika, mwaana a Mika aari Reyaya, mwaana a Reyaya aari Bayaali, 6 mwaana a Bayaali aari Beyerahi, mwaana a Beyerahi, yoowo aakuxiwe oroihiwaka weepotthani ni mwene Tiglathi-Pileneseri+ a wAsiiria. Owo aari mukhulupale a atthu a nihimo na Rubeni. 7 Axinnawe, yaawo alempwale masina aya moovarihana ni imusi saya, ni moovarihana ni osuulu aya, yaari ala: Muhooleli Yeyeli, Zakariya, 8 Bela, mwaana a Azazi, mwaana a Xema, mwaana a Yoweli, yaawo yaakhala wAroweri+ mpakha oNebo ni oBayali-Mewoni.+ 9 Owo aahimaka mpantta onikhuma nsuwa, mpantta woopacerya wa woothakoni waattamela muro Eufrate,+ okhala wiira inama sawe saanincerereya vanceene elapo ya oXileyaadi.+ 10 Mahiku a Sawuli, awo yaahiwana ekhotto ni ahagari ni yaahaaxintta, anapacerya okhala mutentani* mwa atthu ale yaaxinttale aya, mittetthe sootheene sa mpantta onikhuma nsuwa wa oXileyaadi.
11 Vano osuulu wa Gadi waattamanne naawo elapo ya oBaxani, muttetthe yoowo waarowa mpakha oSalika.+ 12 Yoweli aari muhooleli oopacerya, Xafami aari muhooleli a nenli, nave-tho Yanayi ni Xafati yaari ahooleli a oBaxani. 13 Axinnaya, moovarihana ni imusi saya, yaari ala: Mikhayeli, Mexulami, Xeba, Yorayi, Yayekani, Ziya ni Heeberi. Waatakaaha ootheene yaari 7. 14 Ala yaari anamwane a Abihayili, mwaana a Huri, mwaana a Yarowa, mwaana a Xileyaadi, mwaana a Mikhayeli, mwaana a Yexixayi, mwaana a Yahido, mwaana a Buxi. 15 Muhooleli a imusi saya, aari Ahi, mwaana a Abidiyeli, mwaana a Guni. 16 Awo yaakhala oXileyaadi,+ oBaxani,+ ni mittetthe saya samukhaani, ni mapuro ootheene a oSaroni weiwo yaalyiha aya inama saya, mpakha omukanoni waya. 17 Mahiku a mwene Yotami+ a oYuda ni mahiku a mwene Yerobowamu*+ a wIsarayeli, awo yaahilempwa mulistani.
18 Atthu a nihimo na Rubeni, na Gadi, ni nimeya na nihimo na Manase, yaahikhalana anakhotto ootupa 44.760, yaawo yaakuxa makula a wiixakihana ni ispaata* vamosa ni mattheere.* Awo yahiixuttihiwa saana owana ekhotto. 19 Awo yaahiwana ni ahagari,+ ayeturi, anafixi+ ni anodabi. 20 Awo yaahimukhuwelela Muluku avekelaka wiira aakhaliherye okhottoni ni yaahimuroromela. Tivo owo aahiwiriyana mavekelo aya ni aahaakhaliherya, mpakha atthu a oHagari ni atthu ootheene yaarina aya ovahereriwa mmatatani mwaya.+ 21 Nave yaahivara inama saya, eyo piiyo, ikameelu 50.000, ipwittipwitthi 250.000, apuuru 2.000 ni yaahaavara atthu 100.000. 22 Atthu anceene yaahikhwa, okhala wiira ekhotto ele yaari ya Muluku eekeekhai.+ Nuumala-vo, awo yaahipacerya okhala muttetthe yoowo waari wa atthu ale mpakha okathi yaaroihiwe aya weepotthani.+
23 Nimeya na osuulu wa nihimo na Manase+ waakhala elapo ya oBaxani, mpakha oBayali-Hermoni, oSeniri ni omwaako Hermoni.+ Atthu awo yaari oowaatta. 24 Ahooleli a imusi saya yaari ala: Eferi, Ixi, Eliyeli, Aziriyeli, Yeremiya, Hodaviya ni Yahadiyeli. Awo yaari anakhotto ootupa, alopwana oovuwa ni ahooleli a imusi saya. 25 Masi khiyaaroromeleyale wa Muluku a amuhavinre aya ni yaahiraruwa ni amuluku a atthu a elapo ele,+ yaawo yaapwetexiwe ni Muluku ohoolo waya. 26 Tivo, Muluku a atthu a Isarayeli aahimwiiriha mwene Puli a wAsiiria+ (eyo piiyo Tiglathi-Pileneseri+ mwene a wAsiiria), waakuxa atthu a nihimo na Rubeni, na Gadi, ni nimeya na nihimo na Manase, aaroihaka weepotthani. Owo aahaaroiha oHala, oHabori, oHara ni muttetthe wa muro Gozani,+ weiwo onikhala aya mpakha olelo-va.