Yesaya
2 Etthu Yesaya, mwaana a Amozi, aawenhe awe, yeeyo enilavula sa oYuda ni oYerusalemu,+ tiila:
2 Mahiku ookiserya,
Mwaako eri aya empa ya Yehova,
Onrowa okhala woorakama ovikana miyaako sikina ni onrowa olipihiwa saana.
3 Nave, atthu a maloko manceene animoorwa ahimyeke wiira:
“Murwe, nawele vamwaako va Yehova,
Empa ya Muluku a Yakobe.+
Owo onrowa oniixuttiha iphiro sawe,
Nave hiyo nnimweettelaka iphiro sawe”.+
Nlamulo na Muluku nnoolaleiwa* okhuma oSiyoni,
Nave nuulumo na Yehova nnoolaleiwa okhuma oYerusalemu.+
4 Muluku onrowa okhala mulipa-oophuka milattu sa maloko,
Nave onrowa olokiherya myaha sinaavara atthu anceene.
Nloko nimosa khaninrowa orumeela espaata wiira niwane ni nloko nikina,
Nave-tho, atthu awo khanrowa wiixutta owana ekhotto.+
5 Murwe, nyuwo osuulu wa Yakobe,
Neetteke nimwaleeliwaka ni Yehova.+
6 Nyuwo muhaanyanyala atthu anyu, eyo piiyo, osuulu wa Yakobe,+
Okhala wiira awo annitthara soolema sa ilapo siri mpantta onikhuma nsuwa;
Awo annipaka maxintta,+ ntoko aniira aya afilisti,
Nave eriyari aya, aasarya anamwane a anamurwa.
7 Elapo aya yoosareya eparatha ni eweero,
Nave khareerane mihakhu.
Elapo aya yoosareya ikhavalo,
Ni khareerane ikaaro sa ekhotto sinipuruliwa ni inama.+
8 Elapo aya yoosareya amuluku eethiru.+
Awo annikokhorela ilatarato apanke aya ni matata aya,
Seiyo apanke aya ni ikatha saya.
9 Tivo, pinaatamu onniiyeviha, ni onnuulihihiwa muru,
Nave, nyuwo khamunrowa omulevelela.
10 Mukele mukhukuni ni muthipe malitti wiira mwiipithe,
Mwaha wa Yehova onanariwe vanceene,
Ni mwaha wa owerya wawe ni ovuwa wawe.+
11 Atthu oowiisoona animuulihihiwa muru,
Nave ale oowiixinnuwiha anooyevihiwa.
Nihiku nlo, Yehova paahi tonrowa ottottopeliwa.
12 Nlo nihiku na Yehova a anakhotto.+
Nnimwaaphwanya atthu ootheene oowiisoona ni oowiittottopa,
Nnimwaaphwanya atthu ootheene, akhale oovuwa wala oohivuwa.+
13 Nihiku nlo, nnoophwanya miri sootheene sa oLiibano siniihaniwa eseeturu, seiyo siri soowiisoona ni soowiittottopa.
Nave nnoophwanya miri sootheene sa oBaxani, siniihaniwa karvaalyo.
14 Nnoophwanya miyaako sootheene soorakama,
Ni mattumuxa ootheene oorakama.
15 Nihiku nno, nnoophwanya ipa sootheene soorakamela osulu ni ixiri sootheene soolipihiwa.
16 Nnimwaaphwanya apakiti ootheene a oTaarisi,+
Ni nnoophwanya ikalawa sootheene sooreera.
17 Atthu oowiisoona animuulihihiwa muru,
Nave ale oowiixinnuwiha anooyevihiwa.
Nihiku nlo, Yehova paahi tonrowa ottottopeliwa.
18 Amuluku ootheene eethiru, anoomala-mala.+
19 Atthu anookela mmakhukuni ni mmalittini,
Mwaha wa Yehova onanariwe vanceene,+
Ni mwaha wa owerya wawe,
Ni ovuwa wawe,+
Okathi onrowa awe ovenya wiira othukumelihe elapo, mwaha wa woova.
20 Nihiku nenno, atthu animwaakuxa amuluku aya a eparatha ni a eweero,
Yaawo yaapanke aya wiira yaakokhoreleke,
21 Siiso, awo anookela mukhukuni,
Ni animwiipitha eriyari ya maluku maalupale,
Mwaha wa Yehova onanariwe vanceene,
Ni mwaha wa owerya wawe ni ovuwa wawe,
Okathi onrowa awe ovenya wiira othukumelihe elapo, mwaha wa woova.
22 Para mureerelo anyu, muhiye omuroromela pinaatamu,
Yoowo onlipa ni iphumu paahi.
Nto vaniweryaneya sai omuroromela pinaatamu?