Yesaya
2 Owo onookhalana ikuru sa Yehova.+
Tivonto, onookhalana miruku+ ni ankhili,
Onoosuwelaka ovaha miruku ni onookhalana owerya,+
Onoosuwelaka itthu sinceene ni onoomuttittimihaka vanceene Yehova.
3 Onoomusiveleka vanceene omuttittimiha Yehova.+
Khonrowa waaphukelaka atthu, ottharaka itthu sinooneya,
Nnakhala khonrowa waattaruxaka atthu, ottharaka itthu iiwale awe paahi.+
4 Owo onimwaaphukelaka atthu oohaawa mwa xariya,
Onimwaapwapwelaka atthu mwa xariya, para mureerelo wa atthu oowiiyeviha anikhala mulaponi.
Moolumo awe anrowa okhala ntoko ekopo onirumeela awe wiira omane elapo.+
Nave, onoowiiva atakhali ni moolumo awe.*+
5 Onoowara exariya muyuununi mwawe ntoko esintu,
Nave-tho, onoowara ororomeleya muyuununi mwawe ntoko esintu.+
6 Mwiici ni epwittipwitthi, sinrowa okhalaka hoothe ni murettele,+
Nave epuri yaamukhaani ni havara, anrowa wummaathiki hoothe,
Epooyi yaamukhaani ni kharamu ni mwaaxaana ooneneva a epooyi, sinrowa okhalaka vamosa;*+
Mmiravo mwaamukhaani, tonrowa okukhulaka.
7 Epooyi yoothiyana ni mwaamunama oniihaniwa ursu, sinrowa olyaaka hoothe,
Nave axaana aya, anrowa wummaathiki vamosa.
Kharamu onrowa olyaaka malaxi ntoko epooyi.+
8 Mwaana onaamwa, onrowa othweelaka vamwiitheni va namaryawe,
Nave mwaana ohiihiwe waamwa, onrowa okelihaka ntata nawe vamwiitheni va evili.
9 Khenrowa wiiraneya etthu yootakhala,+
Aahiiso etthu yoonanara vamwaako vaka voowaarya,+
Okhala wiira Yehova onrowa osuweliwa vanceene mulaponi,
Siisaale maasi anisareya aya mphareya.+
10 Nihiku nlo, ole ori mutathaari wa Yese,+ onimweemela ntoko esinaale para maloko.+
Maloko anoorowa wa yoowo aphavelaka malakiheryo,*+
Nave nipuro onrowa awe okhalaka, ninrowa okhala noottittimiheya.
11 Nihiku nno, Yehova onimooniherya owerya wawe,* ekwaha ya nenli wiira aakhaliherye atthu awe ahanle. Owo onimwaattikiha wAsiiria,+ wExiitu,+ oPathiro,+ oKuuxi,+ wElami,+ oXineyari, oHamati ni musisironi.+ 12 Owo onimweemexa esinaale wiira maloko yooneke, nave onimwaathukumanya atthu a Isarayeli amwara-mwareyale.+ Onimwaathukumanya-tho atthu a oYuda amwarenle ipantta sootheene sa elapo.+
13 Nrima na Efrayimi nnoomala.+
Nave ale animunyokha Yuda animwiiviwa.
Efrayimi khonrowa omukhalela nrima Yuda,
Nnakhala Yuda khonrowa omunyokha Efrayimi.+
14 Nave animwaatuphela afilisti mpantta onikela nsuwa;
Oowanli aya anoowaakha mireerelo atthu a mpantta onikhuma nsuwa.
15 Yehova onookawanya* mpantta mmosa wa ephareya ya wExiitu,+
Onoottikinya ntata nawe vasulu va muro Eufrate.+
Orumeelaka iphumu sawe sooviha, onimuumiha miro 7 saamukhaani sa muro owo,
Nave onoowiiriha atthu olapuwa awanre ene isantaalya saya.