Yesaya
Ti pani ola owanre ikuwo sooreera,
Oneetta ni owerya wawe wuulupale?
“Ti miyo, kinilavula ni exariya,
Kirina owerya wuulupale, wiira kiwoopole atthu”.
2 Xeeni ikuwo sanyu siri aya sooxeerya?
Nave xeeni malaya anyu anlikana aya ni malaya a mutthu oninyakelasa ewuuva?+
3 “Koonyakatta mekhaka ewuuva, nipuro eninyakattiwa aya.
Khuuvo mutthu aari ni miyo.
Kaanaanyakelasa awanani aka voohihiyererya, kinanariwe ene,
Nave kaahithipelela waanyakelasa, kinanariwe ene vanceene.+
Ephome aya yaahittonyerya malaya aka,
Nave kaahinanariha ikuwo saka sootheene.
4 Koolakela oruuha nihiku naka na wunla ikuhu,+
Nave woophiya mwaakha kinrowa aka owoopola atthu aka.
5 Kaahiweha-weha, masi khaakhanle mutthu wiira okikhaliherye;
Kaahitikhina vanceene, maana khuuvo aaphavenle okhaliherya.
6 Miyo kihaanyakelasa atthu kinanariwe ene,
Kihaahapaliha onanariwa waka,+
Nave koomwaraxela vathi ephome aya”.
7 Kinoolavula miteko sa Yehova, seiyo sinooniherya ophenta wawe woororomeleya,
Kinoolavula miteko soottottopeleya sa Yehova,
Mwaha wa itthu sootheene Yehova oniirenle awe,+
Itthu sinceene sooreera owiirenle awe atthu a Isarayeli,
Mwaha wa omoriwa wawe ikharari ni ophenta wawe wuulupale.
8 Owo oohimya wiira: “Mweekeekhai, awo atthu aka. Anamwane anrowa okhala oororomeleya wa miyo”.+
Tivonto, owo tokhanle Moopoli aya.+
9 Moohaawani mwaya mootheene, Owo aanihaawa.+
Namitthaka awe aamuthanlale awe, aahiwoopola.+
Owo aahiwoopola mwaha wa waaphenta ni owoonela othunku.+
Nave aanaavenxa ni aanaateexa iyaakha iye sootheene.+
Tivonto, owo aahiikhaliha nwanani aya,+ onawana naawo.+
11 Nuumala-vo, yaahuupuwela mahiku a khalai,
Mahiku a murumeyi a Muluku Moise,
Anaikoha yiiraka: “Ori vai ole aalapunxe mphareya,+ aarumeelaka amakampusi a nikoto nawe?+
Ori vai ole anvanhe Moise ikuru soowaarya.+
12 Ori vai ole moono awe wa ikuru waakhaliherya moono woolopwana wa Moise?+
13 Ori vai ole aawiirinhe weetta eriyari ya maasi oowiixa,
Wiira yeetteke ahikwattuliwaka,
Ntoko ekhavalo eneetta nipuro noowaataleya?*
14 Siisaale ntoko mihuwo sinirowa aya nipuro noowaataleya wiira saphumurye,
Siiso-tho, ikuru sa Yehova saahiwiiriha ophumurya”.+
Ti siiso mwaaweettinhe anyu atthu anyu,
Wiira nsina nanyu nooreera nivuwihiwe.+
15 Wiirimu muri anyu, nwehe vathi-va,
Nwehe vathi-va, muri ene nipuro nanyu noorakamela osulu, noowaarya ni noovuwa.*
Xeeni muhinnithokorerya anyu-tho? Nave xeeni muhinirumeela anyu owerya wanyu?
Xeeni muhinnoonela anyu othunku+ ni onimorela ikharari?+
Nyuwo mookivitherya itthu iyo.
16 Nyuwo mwa Tiithi ihu;+
Hata Abrahamu ohinisuwelaka,
Ni Isarayeli ohinisuwelaka,
Nyuwo Yehova, mwa Tiithi ihu;
Ti nyuwo muri Moopoli ahu okhuma khalai.+
17 Nyuwo Yehova, xeeni munniiriha anyu ohiya weettela iphiro sanyu?
Xeeni munnihiya anyu nuumihaka murima, nihinawoovani?+
Mutthike, mwaha wa arumeyi anyu,
Mwaha wa mahimo anyu.+
18 Atthu anyu ooreerihiwa, yaahikhala axineene a elapo eyo, mwa okathi vakhaani.
Awanani ihu aanyakelasa nipuro noowaarya.+
19 Woovira okathi munceene ninkhala ahu ntoko atthu muhitonko anyu waalamulela,
Ntoko atthu ahitonko wiihaneliwa nsina nanyu.