Yesaya
49 Nyuwo atthu anikhala musisironi, mukiiwe,
Nyuwo atthu a maloko a ottaiwene, mukiwiriyane.+
Yehova ookiitthana kihinatthi oyariwa.*+
Ooromola nsina naka, okathi kaari aka mmirimani mwa amaama.
Ookikhaliha nttheere* noothokolowa;
Ookiipithiha mmurupani mwawe.
3 Owo ahikihimeerya wiira: “Nyuwo Isarayeli,+ nyuwo mwa murumeyi aka.
Kinimooniherya ovuwa waka, koorumeelakani nyuwo”.+
4 Masi miyo kaahihimya wiira: “Koovara muteko mahala ene.
Koohonona ikuru saka ni itthu seethiru, sihikhanle etthu.
5 Vano Yehova, yoowo okuupale mmirimani mwa amaama wiira kikhale murumeyi awe,
Ookihimeerya wiira kimuhokoloxerye Yakobe,
Wiira Isarayeli othukumanyeriwe yoowo.+
Kinoovuwihiwa vamaithoni va Yehova,
Nave Muluku aka onrowa okhala ikuru saka.
6 Owo aahikihimeerya wiira: “Nyuwo khamuhiyo paahi murumeyi aka,
Wiira mureerihe mahimo a Yakobe,
Ni waattikiha atthu yooponwe* aisarayeli.
Masi-tho, kihookhalihani muthuko wa maloko,+ wiira kiwoopole atthu,
Hata ale anikhala omalenle elapo”.+
7 Etthu onihimya awe Yehova, Moopoli a Isarayeli, Muluku Oowaarya a Isarayeli,+ omuhimeeryaka ole ohinooneliwa vatthu,+ yoowo onithanyiwa ni nloko, ni ori murumeyi a anamalamulela, tiila:
“Mamwene anooweha etthu ni animweemela,
Nave makhulupale animuurama,
Mwaha wa Yehova, yoowo ori oororomeleya,+
Mwaha wa Muluku Oowaarya a Isarayeli, yoowo oothanlaleni”.+
8 Yehova onihimya wiira:
“Okathi koonihenrye aka oreera waka murima, miyo koowaakhulani,+
Nihiku na woopoliwa, miyo kaahookhaliheryani;+
Kaanookhapelelani wiira mukhale nivarihano eriyari ya miyo ni atthu,+
Wiira kireerihe elapo,
Wiira akuxe mittetthe saya, seiyo sahaakhaliwa,+
9 Wiira mwaaleele aperesu wiira: ‘Mukhume!’+
Ni wiira mwaaleele ale ari weepiphini+ wiira: ‘Mwiixooniherye!’
Awo anrowa okhalaka ntoko ipwittipwitthi. Anrowa olyaaka mustaraatani,
Anrowa ophwanyaka eyoolya iphiro sootheene soowaattela oviriwa.*
11 Kinimwiiriha miyaako saka sootheene okhala estaraata,
Nave istaraata sootheene suulupale sinoottukhuwela musulu.+
12 Mwiiwe! Ootheene aya anikhuma ottaiwene,+
Mwiiwe! Ala anikhuma onorti ni onikela nsuwa,
Ni ale anikhuma elapo ya oSinimi”.+
13 Erimu etthapeke, nave elapo etteeliweke murima.+
Miyaako sikhuweleke mwaha wa otteeliwa murima,+
Okhala wiira Yehova ohaamaaliha atthu awe,+
Ni onnaamorela ikharari atthu awe anihaaxiwa.+
14 Masi Siyoni aathipelela ohimya wiira:
“Yehova ookinyanyala,+ nave Yehova ookiliyala”.+
15 Niireke wiira muthiyana onoowerya omuliyala mwanawe onaamwa?
Aahiiso khonrowa omoonela othunku mwanawe omuyanre awe?
Hata athiyana awo arowaka waaliyala, miyo nkinikhala-khala kooliyalakani.+
16 Mwiiwe! Koolepa nsina nanyu mmatatani mwaka.
Ixiri sanyu siri ohoolo waka okathi wootheene.
17 Aniinyu anootthika yaakuveyaka.
Ale yoomoronxeni ni yoohononneni, anoorowa.
18 Mweemexe muru, nwehe ipantte sootheene.
Ootheene aya annithukumana poromosa.+
Annoorwa wa nyuwo.
Yehova onihimya wiira: “Kinniilaphela mmansaka wiira,
Nyuwo munimwaawara atthu awo wiira mwiiphwanelihe,
Nyuwo munimwaawara, siisaale oniiwariha awe muthiyana onrowa otheliwa.
19 Nnaamwi ipa sanyu saapwexakasiwe ni sahaakhaliwa, nave elapo anyu yaahanle milepe-ru,*+
Vano eyo enimwaayevela atthu anrowa okhalaka memmo,+
20 Anamwane ayariwe okathi mwaakhweliwe anyu aniinyu, animoohimeeryakani wiira:
‘Opuro ola wootepa oniyevela.
Munivahe opuro muulupale, wiira nikhaleke’.+
21 Nyuwo munoohimya vamurimani vanyu wiira:
‘Okhala wiira miyo kookhweliwa anamwane ni nkinwerya-tho oyara,
Ni koovariwa ni kootthukweliwa,
Nto anamwane ala kivahiwe aka tawani?
Ti pani aahuwale?+
22 Etthu onihimya awe Pwiya Muulupalexa Yehova, tiila:
“Moone! Kinimweemexa ntata naka wiira maloko yoone,
Kinimweemexa esinaale wiira atthu yoone.+
Awo animwaaruuha aniinyu axilopwana, yaakunxe ene mmatatani mwaya,
Nave animwaakapatta mmakhatani mwaya, aniinyu axithiyana.+
23 Mamwene tanrowa wookhapelelakani,+
Anamwane axithiyana a mamwene awo, anrowa okhala arumeyi anyu.
Awo anookokhoroka ohoolo wanyu, yuuramaka mpakha vathi.+
Awo anrowa wiiyevihaka ohoolo wanyu.*+
Nave nyuwo munoosuwela wiira miyo ka Yehova;
Ootheene ale anlipa ni miyo, khanrowa wuuliwa muru”.+
24 Niireke vanniweryaneya owoopola atthu avariwe ni mulopwana ootupa?
Aahiiso vanniweryaneya owoopola atthu avariwe ni mulopwana ootakhala?
25 Masi Yehova onihimya wiira:
“Hata atthu avariwe ni mulopwana ootupa, animoopoliwa,+
Nave-tho ale avariwe ni mulopwana ootakhala, animoopoliwa.+
Miyo kinimwaavirikanya ale anoovirikanyani,+
Nave kinoowoopola aniinyu.
26 Miyo kinoowiiriha atthu anoohaaxani okhuura erutthu aya,
Awo anoohapaliwa ni ephome aya,
Siisaale onihapaliwa awe mutthu oniwurya eviinyu ya niinaano.