Nnoowerya okupali wira Muluku onninthokorerya tthiri. Nuulumo nawe ninhimya so: “Vano Apwiya àwakhula wira: Muthiyana ommwamwiha mwan’awe onowerya omuliyala? Walá onowerya oliyala ommorela ikharari yowo, ori ephome awe? Vano, onamwi uwo amuliyalaka mwan’awe, miyo nkinoliyalani, nnákhala vakhani”.a

Eyo khahiyo etthu yoohakalaliha? Ophenta wa Muluku ti wuulupalexa ovikana ophenta weiwo maama orina awe ni mwanawe. Muluku khonikhala-khala onihiyaka! Tthiri, owo oonikhaliherya mwa enamuna yoohakalaliha. Moota xeeni? Owo oonooniherya esiiri eniphwanyiha ekumi yoohakalala, ori waamini wekeekhai.