Moolumo Oopacerya a Epantte 14

MaKristau oopacerya yaahilaleya ihapari sooreera sa Omwene, mpakha ilapo soorakamela. Yesu aahaaleela opuro yaarowa aya olaleeryaka ni mwa miiriirya aahaavaha owerya wa waalaleerya atthu erumeelaka mattaava a atthu awo. Yehova aahaavaha ikuru ni olipa murima wira axintte olupatthiwa.

Yesu aahimooniherya murummwa Yohani ovuwa wa Yehova. Mwa yowoonihiwa ekina, Yohani aahiweha Omwene wa wiirimu omuxinttale ene Satana ni owerya wawe. Yohani aahimoona Yesu ntoko Mwene ori ene ni mamwene makina 144.000. Nave-tho aahiweha elapo yotheene eri ene eparayiisu, ni atthu otheene animurumeela Yehova ekhalaka ni murettele ni wiiraana.