Olipihana

Soowiiraneya sa mbiibiliyani sa efaita yinceene:

• 2 Wa 32:2-8 — Okathi yoopopihiwa aya vanceene, mwene Ezekiya aahaalipiha vanceene atthu a oYerusalemu.

• Dan 10:2, 8-11, 18, 19 — Nlaikha na Muluku naahimulipiha vanceene profeta Daniyeli, yoowo ahaareere wuuluvala ni aakhulumunwe.

Soowiiraneya sa mbiibiliyani sa efaita yinceene:

• Otu 3:28; 31:7, 8 — Ottharaka malakiheryo a Yehova, Moise aahimulipiha vanceene Yooxuwa, yoowo aarowa omuranttela.

• Mit 11:22-26; 14:22 — Okathi waakhumelenle aya olupatthiwa wuulupale, murummwa Paulo ni Baarnaba yaahaalipiha makristau a wAntiyokiya.

Soowiiraneya sa mbiibiliyani sa efaita yinceene:

• Mak 11:37-40 — Khula mwaakha athiyana a wIsarayeli yaanirowa omuttottopela mwaana mwaamuthiyana a mukhulupale Yefte, yoowo aakhumme etthoko ya anamuyari awe onarowa omurumeela Yehova otabernaakulu.

• Wiis 2:1-4 — Okathi Yesu aaronwe awe waapwapwela makristau a muloko wa wEefeso, owo aapacenrye waattottopela mwaha wa itthu sooloka yaavara aya.

Soowiiraneya sa mbiibiliyani sa efaita yinceene:

• 1 Sa 23:16-18 — Yonathani aanisuwela wiira mpatthani awe aihaniwa Davidi aaniphavela olipihiwa okathi ole wooxankiha, nto aahirowa omwaavya wiira omulipihe.

• Yoh 16:33 — Orumeelaka ntakiheryo nawe, Yesu aahaalipiha vanceene awiixutti awe owooniheryaka wiira awo nave yanwerya oxintta.

• Mit 28:14-16 — Okathi aarowa awe ophukeliwa oRoma, murummwa Paulo aahilipa vanceene okathi aawenhe awe anna yaawo yaarwiiye akhumaka ottaiwene wiira amulipihe.

Soowiiraneya sa mbiibiliyani sa efaita yinceene:

• Moot 11:10-15 — Profeta Moise aahikhulumuwa vanceene mwaha wa ohiiwelela ni moonelo woohiloka wa aisarayeli.

• Moot 13:31, 32; 14:2-6 — Mwaha wa ovaanela woohiloka wa anamahottela 10 oohaamini, aisarayeli yaahikhulumuwa ni ohimwiiwelela Yehova.

Soowiiraneya sa mbiibiliyani sa efaita yinceene:

• 2 Wa 20:1-19 — Okathi muttitthi muulupale wa anakhotto waatuphenle aya oYuda, mwene Yosafati aahivekela ori ene ni atthu ootheene.

• Mit 12:1-5, 12-17 — Nuumala murummwa Yakobo wiiviwa, vano murummwa Pedru otthukweliwa mukhatteya, muloko wootheene wa oYerusalemu waahithukumana wiira ovekele.

Soowiiraneya sa mbiibiliyani sa efaita yinceene:

• Map 39:19-23; 40:1-8 — Hata Yosefe ootheriwe ni otthukweliwa mukhatteya moohixariya, owo khaahiyale ororomeleya ni waakhaliherya atthu akina.

• 2 Ma 6:15-17 — Profeta Eliseyo khoovale okathi muttitthi wa anakhotto waarwiiye aya onvara, nto aahinvekela Yehova wiira namakhaliherya awe okhalane moonelo Eliseyo aarina awe.

Soowiiraneya sa mbiibiliyani sa efaita yinceene:

• 1 Sa 1:10, 11, 17, 18 — Yehova aahiwiriyana nivekelo na Ana ni aahimukhaliherya woona saana okathi ahaareere awe oriipiwa murima ni oxanka.

• 1 Ma 19:1-19 — Okathi profeta Eliya aakhulumunwe awe, Yehova aahinvaha maasi ni yoolya. Nave Yehova aahimulipiha ni ommaaliha onvahaka nlipelelo nooloka na muhoolo.

Soowiiraneya sa mbiibiliyani sa efaita yinceene:

• Yoob 14:1, 2, 7-9, 13-15 — Hata okathi wootepexa oxankiha wa okumi awe, nlipelelo na ohihimuxiwa alipa-ookhwa naahimulipiha vanceene Yoobi.

• Dan 12:13 — Okathi aarina awe iyaakha 100, profeta Daniyeli aahilipa vanceene vaavo nlaikha naamulenle aya wiira aamutthuveliwa muhoolo.

Soowiiraneya sa mbiibiliyani sa efaita yinceene:

• 1 Sa 30:1-9 — Okathi aarina awe mixankiho sinceene, mwene Davidi aahinvekela Yehova ni aahilipihiwa vanceene.

• Luk 22:39-43 — Nuumala osuwela wiira aamweehereriwa vanceene, Yesu aahimuxonttela Yehova wiira omukhaliherye, nto Tiithi awe aahiruma nlaikha wiira namulipihe.

Soowiiraneya sa mbiibiliyani sa efaita yinceene:

• Mit 15:2-4 — Murummwa Paulo ni Baarnaba yaahilipiha vanceene miloko yaaxukurya aya.

• 3 Yoh 1-4 — Hata uuluvanle vanceene, murummwa Yohani aahiwiixuttiha ihapari sooreera atthu akina ni aahilipa okathi aasuwenle awe wiira atthu ale aawiixuttinhe awe nlelo khiyaahiyale ororomeleya.