Olipiha Waamini Wahu
Xeeni ootheene ahu ninreerela ahu wiimananiha wiira nikhale makristau arina waamini woolipa?
Omusuwela oratteene Biibiliya, onrowa onikhaliherya sai okhala makristau arina waamini woolipa?
Niireke mmiravo onoowerya okhala mukristau orina waamini woolipa?
Soowiiraneya sa mbiibiliyani sa efaita yinceene:
Dan 1:6-20 — Daniyeli ni apatthani awe araru yaari amiravo, masi awo yaahooniherya wiira yaahikhalana waamini woolipa ni yaari atthu oororomeleya.
Mit 16:1-5 — Timootheyo aahivahiwa miritti sinceene orina ene iyaakha 20 aahiiso ohinatthi ophiyeriha iyaakha 20.
Orowela mithukumano ni anna ni arokora, onrowa onikhaliherya sai?
Etthu xeeni enooniherya wiira na makristau arina waamini woolipa?
Xeeni munna orina waamini woolipa onireerela awe weemererya iparakha sikina mmulokoni?
Enamuna xeeni emosa enrowa onikhaliherya okhala anamalaleerya ooloka ni atthu anisuwela wiixuttiha saana?
Luk 21:14, 15; 1 aKo 2:6, 10-13
Nave-tho munwehe Luk 11:13.
Yoowiiraneya ya mbiibiliyani ya efaita yinceene:
Mat 10:19, 20 — Yesu aahaaleela awiixutti awe wiira munepa woowaarya waamwaakhaliherya osuwela etthu yoohimya okathi aniphukeliwa aya omilattuni aahiiso otripunaale.