Anamuyari
Itthu xeeni sikina saamwiirinhe Yehova okumiherya ekasamento?
Anamuyari awooneleke sai anaaya?
Nave-tho nwehe mpantta oni: “Anamwane; Amiravo”.
Soowiiraneya sa mbiibiliyani sa efaita yinceene:
Map 33:4, 5 — Yakobe aanaathokorerya anaawe ntoko yoovaha yaakhuma wa Yehova.
Okh 1:15, 16, 22; 2:1-4; 6:20 — Amurami ni Yokebedi yaahimuyara Moise ni yaahileva okumi aya wiira amukhapelele Moise.
Etthu xeeni anamuyari akhanle aya oowiirela anaaya?
Otu 6:6, 7; 11:18, 19; Mir 22:6; 2 aKo 12:14; 1 Ti 5:8
Soowiiraneya sa mbiibiliyani sa efaita yinceene:
1 Sa 1:1-4 — Elikana aanaakuxa atthu ootheene a etthoko awe wiira arowele ifesta saapakiwa oSilo ni aaniimananiha wiira khula mwaana iirele mpantta.
Luk 2:39, 41 — Yosefe ni Maria yaahilimalela orowa oNazarethi ni oYerusalemu wiira yampake Paasikha.
Xeeni vari aya vooloka owiixuttiha anamwane iphiro sa Yehova?
Nave-tho munwehe 2 Ti 3:14, 15.
Soowiiraneya sa mbiibiliyani sa efaita yinceene:
1 Sa 2:18-21, 26; 3:19 — Anamuyari awe Samuweli yaahinvaha mwanaya wiira arumeeleke otabernaakulu ni yaanimuxukurya ikwaha sinceene wiira amukhapeleleke, nuumala Samuweli wunnuwa aahikhala mulopwana amphenta ni aamurumeela Yehova moororomeleya.
Luk 2:51, 52 — Yesu khaahiyale owiiwelela anamuyari awe hata awo yaari atthu yaayariwe arina ene etampi.
Anamuyari anrowa ophwanya woowi malakiheryo anrowa waakhaliherya waahuwa anaaya?
Otu 6:4-9; aEef 6:4; 2 Ti 3:14-17
Nave-tho nwehe Esa 127:1; Mir 16:3.
Soowiiraneya sa mbiibiliyani sa efaita yinceene:
Mak 13:2-8 — Nuumala osuwela wiira mwa mwiiriirya owo ni mwaarawe yammuyara mwaana, Manowa aahinvekela Yehova malakiheryo a moota woomuhuwa mwaana owo.
Esa 78:3-8 — Yehova oniphavela wiira anamuyari awiixuttiheke anaaya itthu yiixuntte aya mbiibiliyani.
Xeeni mwaana okhanle awe oothanla ohimukokhorela Yehova hata ohuuwale ene etthoko ya makristau animphenta Muluku?
Soowiiraneya sa mbiibiliyani sa efaita yinceene:
Map 6:1-5; Yuda 6 — Hata yaavirinhe iyaakha sinceene ari ene ni Yehova wiirimu, malaikha manceene yaawo ari anamwane a Muluku yaahithanla ohimwiiwelela.
1 Sa 8:1-3 — Nnaamwi Samuweli aari profeta oororomeleya ni a xariya, anaawe khiyaarina exariya ni waanaasivela okunyariwa.
Okathi xeeni anamuyari akhanle aya oopacerya owiixuttiha anaaya omusuwela Yehova?
Soowiiraneya sa mbiibiliyani sa efaita yinceene:
Otu 29:10-12, 29; 31:12; Eez 10:1 — Okathi aisarayeli yaathukumana aya wiira yiixuttihiwe iphiro sa Yehova, awo yaanaakuxa anaaya wiira yiixutteke etthu.
Luk 2:41-52 — Yosefe ni Maria yaahikhalana yoolema ya waakuxa anaaya omuhela muhina Yesu okathi yaarowela aya efesta ya Paasikha yaapakiwa otemplo, oYerusalemu.
Ntakiheryo xeeni anamuyari anireerela aya ootthara wiira yaakhapelele anaaya wiira ahiirihiwe etthu yoohiloka ni atthu ootakhala murima?
Soowiiraneya sa mbiibiliyani sa efaita yinceene:
Okh 19:4; Otu 32:11, 12 — Yehova aahiilikanyiha ni murumaasi onaakhapelela axaana awe.
Yes 49:15 — Hata muthiyana omuliyalaka mwanawe omuyanre awe, Yehova khonikhala-khala aaliyalaka arumeyi awe, maana khonrowa ohiya waakhapelela ni waavaha itthu sinaathowa.
Mat 2:1-16 — Ophavelaka omwiiva Yesu, Satana aahaaruma alipa yaasoma itheneeri orowa wa mwene ootakhala Herodi, masi Yehova aahimukhapelela Mwanawe omuleelaka Yosefe okuxa etthoko awe wiira yakhaleke wExiitu.
Mat 23:37 — Yesu aahilikanyiha enamuna oniphavela awe waakhapelela atthu awe ni enamuna mwalyakhu onaakhapelela awe axaana awe mmapuphani mwawe.
Xeeni anamuyari anireerela aya owiixuttiha anaaya voohimya sa orupihana?
Soowiiraneya sa mbiibiliyani sa efaita yinceene:
Ona 15:2, 3, 16, 18, 19; Otu 31:10-13 — Nlamulo aavahiwe awe Moise naanilavula mooluluwanya sa orupihana, nave Yehova aahiruma wiira anamwane yaahana okhala-vo okathi naarowa aya osommwaka moowiiwanyeya.
Esa 139:13-16 — Nasalimo Davidi aahimuttottopela Yehova mwaha wa enamuna yootikiniha opanke awe erutthu ya apinaatamu ohela muhina enamuna apinaatamu anaayara aya anamwane.
Mir 2:10-15 — Osuwela ni ankhili a Yehova anoonikhapelela wiira nihihapuxiwe ni anawoothe ni atthu ootakhala murima.
Xeeni anamuyari anireerela aya waattaruxa anaaya moophenta?
Mir 13:24; 29:17; Yer 30:11; aEef 6:4
Nave-tho nwehe Esa 25:8; 145:9; aKol 3:21.
Soowiiraneya sa mbiibiliyani sa efaita yinceene:
Esa 32:1-5 — Nnaamwi mwene Davidi aariipiwe murima nuumala ottaruxiwa ni Yehova, owo aanisuwela wiira Yehova onnaalevelela atthu ale anittharuwa itampi saya ni murima wootheene.
Yon 4:1-11 — Profeta Yona aahinanariwa vanceene mpakha ohimuttittimiha Yehova okathi aalavulana awe, hata vaari siiso, moopixa murima Yehova aahimwiixuttiha omoriwa ikharari.
Xeeni ninhimya ahu wiira ottaruxiwa onooniherya ophenta?
Nave-tho nwehe Mir 15:32; Wiis 3:19.