Anamwane; Amiravo
Moota Muluku oniwoonela awe anamwane ni amiravo
Yehova onooniherya sai wiira onnaavaha efaita anamwane ni amiravo?
Otu 6:6, 7; 14:28, 29; Esa 110:3; 127:3-5; 128:3, 4; Yak 1:27
Nave-tho munwehe Yoob 29:12; Esa 27:10; Mir 17:6.
Nave-tho nwehe mpantta oni: “Etthoko; Emusi”.
Soowiiraneya sa mbiibiliyani sa efaita yinceene:
Map 1:27, 28 — Yehova aaphavela wiira apinaatamu yaayareke anamwane wiira asareye valaponi.
Map 9:1 — Nuumala epula yuulupale aahiiso mutaaseke, Yehova aahimuleela Nowe ni anaawe wiira yaayareke anamwane wiira asareye mulaponi mootheene.
Map 33:5 — Murumeyi oororomeleya a Yehova aihaniwa Yakobe, aanaathokorerya anamwane ntoko yoovaha yaakhuma wa Muluku.
Mar 10:13-16 — Omutakihaka Tiithi awe, Yesu aanaaphenta anamwane.
Yehova oniwoonela sai atthu ale anaahasula ni owiiriha itthu sootakhala anamwane?
Malakiheryo xeeni a mbiibiliyani anooniherya wiira nihilipeleleke wiira anamwane apakeke, avareke miteko ni yuupuweleke ntoko atthu aalupale?
Yoowiiraneya ya mbiibiliyani ya efaita yinceene:
Map 33:12-14 — Yakobe aanisuwela wiira anaawe yaari ootteettheya ni khiyaawerya weetta ntoko atthu aalupale aneetta aya.
Niireke nihaana onvaha nthowa Muluku mwaha wa anamwane anihaawa olumwenku ola?
Etthu xeeni ennikupaliha wiira Yehova onoomaliha ohaawa wa amiravo ni atthu oowuuluvala?
Niireke ntakiheryo noohiloka na anamuyari aahiiso mwaha wa mutthu ohasuliwa ori ene mwaana enooniherya wiira mutthu owo khorina efaita aahiiso owo nave onrowa opakaka itthu simosaru soohiloka siirihiwe awe?
Nave-tho munwehe Otu 30:15, 16.
Soowiiraneya sa mbiibiliyani sa efaita yinceene:
2 Ma 18:1-7; 2 Wa 28:1-4 — Paapa awe Ezekiya aari mutthu ootakhala ni aahaapaha anaawe vamooroni, hata vaari siiso, Ezekiya animuroromela Yehova ni aari mwene ooloka.
2 Ma 21:19-26; 22:1, 2 — Amoni aari mutthu ootakhala murima, masi mwanawe aihaniwa Yosiya aari mwene ooloka.
1 aKo 10:11, 12 — Murummwa Paulo ohooniherya wiira nnoowerya wiixutta etthu ni soovonya sa atthu akina ni othanla ohitthara ntakiheryo naya noohiloka.
aFi 2:12, 13 — Murummwa Paulo ohooniherya wiira nihaana wiimananiha wiira noopowe.
Muritti wa anamwane ni amiravo
Yehova oniwoonela sai anamwane ni amiravo anikhala ni anamuyari aya animukokhorela Muluku?
Yoowiiraneya ya mbiibiliyani ya efaita yinceene:
Map 19:12, 15 — Etthu ekina yaawiirinhe anamwane axithiyana a Lothi woopowa waari mwaha woowi paapa aya aari naxariya.
Niireke anamwane ahaana wuupuwela wiira animweemereriwa ni Muluku mwaha woowi anamuyari aya Anamoona a Yehova?
Soowiiraneya sa mbiibiliyani sa efaita yinceene:
Ona 10:1-3, 8, 9 — Vanikhala ntoko wiira anamwane a Namukuttho Muulupale Aroni yaahiiviwa mwaha woohapaliwa.
1 Sa 8:1-5—Nnaamwi Samuweli aari profeta a xariya, anaawe yaari atthu ootakhala ni oohiroromeleya.
Okhala wiira anamwane anniphavela okhalana ompatthani wooloka ni Muluku, awo ahaana opaka exeeni?
Xeeni anamwane ni amiravo anireerela aya orowela mithukumano sa mmulokoni?
Yoowiiraneya ya mbiibiliyani ya efaita yinceene:
Mat 15:32-38 — Muttitthi wa atthu yanwiriyana Yesu, yaahela muhina anamwane.
Ninsuwela sai wiira Yehova oniphavela wiira anamwane amukokhoreleke?
Soowiiraneya sa mbiibiliyani sa efaita yinceene:
1 Sa 17:4, 8-10, 41, 42, 45-51 — Yehova aahimuruma mmiravo Davidi waakiherya nsina nawe okathi aamwiivale awe nakhotto ootupa.
2 Ma 5:1-15 — Yehova aahimuruma mwaaruusi mwisarayeli omukhaliherya xeefi a anakhotto ahaakhanle mwisarayeli omusuwela Muluku eekeekhai.
Mat 21:15, 16 — Yesu aanivaha efaita wiimananiha wa anamwane okathi yaamuttottopela aya Mesiya.
Muluku oniwoonela sai anamwane anikhala ni anamuyari aya ahikhanle Anamoona a Yehova?
Soowiiraneya sa mbiibiliyani sa efaita yinceene:
Moot 16:25, 26, 32, 33 — Okathi alopwana akina yahaamwiiwelenle aya Moise ni muulupale a anamukuttho Aroni, Yehova aahaahukhumu alopwana awo ni mireerelo saya.
Moot 26:10, 11 — Mulopwana oohiiwelela Kore aahiiviwa, masi anaawe khiyaiviwe woonasa wene mwaha woowi khiyaahiyale ororomeleya wa Muluku.
Xeeni olelo-va amiravo anireerela aya waathanla oratteene apatthani aya?
Nave-tho munwehe 2 Ti 3:1-5.