Eprograma ya Esumana 19 ya Agosto

ESUMANA 19 YA AGOSTO

Nsipo 51 ni Nivekelo

□ Yoosoma ya Biibiliya ya Muloko:

lv muru 14 itti. 10-14, ikaaxa ipax. 164-165 ni ipax. 222-223 (min. 30)

□ Exikola ya Orummwa wa Muluku:

Omusoma Biibiliya: aRoma 9-12 (min. 10)

N.° 1: aRoma 9:19-33 (minutu 4 wala ohiphiya)

N.° 2: Xeeni Oryaaya Woomaaliha Osuwela Ekeekhai Voohimya sa Okhwa?​—bh muru 6 itti. 15-20 (min. 5)

N.° 3: Soolempwa Seiyo Sinooniherya Nthowa Naya Vahinitthuneya Ahu Omoova Mutthu​—Luka 12:4-12 (min. 5)

□ Muthukumano wa Orummwa:

Nsipo 113

10 min: “Nuulumo na Muluku ti Noowerya”. Makoho ni waakhuliwa. Muhimye nihiku onrowa aya wiiriwa asembeleya a vameekhaaya, akhala wira moosuwela.

10 min: Moota Woowaakhula Ale Annikwasa Masu Mmuttettheni. Mwaha ni makoho vakhaani onilavuliwa ni mutokweene onihoolela muteko woolaleerya. Muhimye matakiheryo manli wala mararu, masi ahinithokoreriwa ni eliivuru Raciocínios, yaawo atthu a mmuttettheni anirumeela aya wira anikwase masu okathi ninlaleerya ahu. Mwaavekele anna wira ahimye moota wowaakhula atthu awo. Mpake yowooniherya emosa yoohipisa.

10 min: Mulaleeryeke Moolipa Murima. (Mit. 4:29) Mwaha ni makoho vakhaani onikhuma Anuário de 2013. Epantte eyo ya anuário, yootaphuleliwa mwa nttaava na emakhuwa, nto munoophwanya ipaaxina 3 ni 4 a Orummwa Ahu wa Omwene yoola. Mwaavekele anna wira ahimye ele yiixuntte aya.

Nsipo 92 ni Nivekelo