MIHAKHU SINIKHUMA MBIIBILIYANI | YEREMIYA 51-52
Nuulumo na Yehova Ninnaakhwanela Khula Okathi
Yehova aahihimya moowiiwanyeya itthu saarowa okhumelela muhoolo.
Namattheere aamulipelela mwene a oPersia
“Munoné mavak’anyu”
Atthu ooMedo ni a oPersia yaari oosuwela orumeela mavaka, tthiri iyo ti saari ikapwitthi saya. Awo yaahinona mavaka aya wira akhale oohoma vanceene.
“Anakhotto òwerya òBabilonia àhiya ekhotto”
Wahala a Nabonido onihimya so: “Anakhotto a Kiro yaahivolowa oBabilonia ahiwanne”. Masu awo anihimya wira khiyaawaniwe ekhotto nave eyo ennivarihana ni eprofesia ya Yeremiya.
Wahala a Nabonido
“Kinotatuxa oBabilonia okhala milepe pahi wa mahiku othene”
Okhuma mwaakha wa 539 AEC, ovuwa wa Babilonia waahipacerya ovukuwa. Alexandre Muulupale aaphavela okhaliha oBabilonia ekapitaali awe, masi mootutuxerya owo aahikhwa. Wuupaceryani wa okathi wa eKristau, ahaavo aYuda nlelo yaakhala muttetthe ole, eyo yaahimwiiriha murummwa Pedru orowa oxukurya oBabilonia. Masi eseekulu yaneexexe EC, muttetthe ole waari milepe paahi, nave khiwaasuweliwa-tho wira aahitoko okhala.