Niireke Munnaamini Moomalela Sooleiherya sa Yehova?

Yoxuwa ni Salomoni yaahiirela onamoona wira khula etthu Yehova enileiherya awe ennaakhwanela moomalela. (Yox 23:14; 1 Ma 8:56) Onamoona wa atthu ala anli onnilipiha mathipelo a waamini wahu.​—2 aKor 13:1; Tit 1:2.

Moota xeeni Yehova aakhwanihenrye awe sooleiherya sawe okathi wa Yoxuwa? Nyuwo ni emusi anyu, nwehe edrama eni: ‘Khanivo Nuulumo Nihimaleliheriwe’. Nuumala-vo muthokoreryeke makoho ala anittharelana: (1) Munrowa otakiha sai miteko sooniherya waamini sa Rahabi? (aHé 11:31; Ya 2:24-26) (2) Moota xeeni ntakiheryo na Akani nnooniherya aya wira ohiiwelela moolakela onnikumiherya ehasara? (3) Nnaamwi maXibioni yaari anakhotto, xeeni awo yanwonke aya Yoxuwa wira yaataane ni aIsarayeli? (4) Moota xeeni nuulumo na Yehova naakhwanenle aya okathi mamwene mathanu a wAmori yaahasula aya aIsarayeli? (Yox 10:5-14) (5) Moota xeeni Yehova ookhalihenryaaweni mwaha wa ohela Omwene ni exariya awe nipuro noopacerya mweekumini mwanyu?​—Mat 6:33.

Okathi onuupuwelela ahu itthu Yehova opanke awe, sinipaka awe, ni sinirowa awe opaka, waamini wahu onnitepa olipa.​—aRo 8:31, 32.