Nilokiherye Inamuna Sahu Soolaleerya​—Olaleerya Nimurumeelaka Interfoni Wala Kaamera

EFAITA ERINA AYA: Mwaha woowuncerereya ikrime, anamunceene annimuhela kaamera, wala Interfoni mmawannyeya. Ekeekhai wira hiyo pooti oxankiheya aka okathi nimmulaleerya ahu mutthu nihinwerya ahu omoona. Masi malakiheryo anittharelana anoonikhaliherya olaleerya moohixankiheya okathi ninrumeela ahu ikaruma iyo.

MOOTA WOOPAKA:

• Mukhalaneke moonelo wooloka. Anamunceene arina kaamera, wala Interfoni mmawannyeya onnaasivela ovaanela ni hiyo

• Muhiliyale wira ikaamera sikina sinnipacerya ofilmari hata muhinatthi ottapunya ekampainya, nto eyo ennimwiiriha mwaaneene etthoko woowehani ni woowiriyanani

• Okathi mwaaneene etthoko onaakhula awe mulavuleke ntoko wira ori ohoolo wanyu. Mutheyeke ni mulavuleke oratteene. Mulavuleke etthu mulokihenrye anyu ntoko munlaleerya empa ni empa. Akhala wira ori kaamera, muhimwaattamelexeke. Akhala wira mwaaneene etthoko khaakhunle muhihiye masu oogravariwa

• Muhiliyale wira nuumala ovaanela, mwaaneene etthoko pooti wira nlelo onnoowehani ni woowiriyanani