Mukhapeleleke Waataana Murina Anyu ni Yehova

Anamoona a Yehova aakhalana eparakha yuulupale. Okhala wira na maKristau oowiivahererya ni oopatisiwa, hiyo nnoowerya okhala apatthani a Muluku. Akhala wira nnimwiimananiha, waataana wahu ni Yehova Muluku Oowerya Sotheene onrowa otepaka olipa khula nihiku. Etthu yoopacerya opanke awe, Owo oonithanla orweela wa mwanawe Yesu Kristu. (Yoh 6:44) Nave Owo onniiwa mavekelo ahu.—Esa 34:16.

Ninrowa okhapelela sai wataana wahu ni Muluku? Enamuna emosa ori osyaka opaka itthu sootakhala ntoko yiira aya aIsarayeli. Yehova aahipaka nivarihano ni aIsarayeli nenno naavanhe eparakha ya okhalana ompatthani wa vameekhaaya ni Yena, masi moottharelana awo yahimpaka mwaanyompe a eweero nuumala-vo anapacerya omukokhorela. (Okh 32:7, 8; 1 aKor 10:7, 11, 14) Niikoheke so: Etthu xeeni kimpaka aka okathi kinuupuwela aka opaka itthu soohiloka? Kiireke miteko saka sinnooniherya wira kinnivaha efaita waataana orina aka ni Yehova? Akhala wira nnoomphenta Tiithi ahu a wiirimu ni murima ahu wotheene, eyo enoonikhaliherya osyaka itthu oninyokha awe.—Esa 97:10.

NWEHE EVIIDIYU ENI: MUKHAPELELEKE WAATAANA MURINA ANYU NI YEHOVA (AKOL 3:5), NUUMALA-VO MWAAKHULEKE MAKOHO ALA ANITTHARELANA:

• Wunlela itthu sa aneene ontaphulela exeeni?

• Xeeni ninreerela ahu osyaka nrima ni waakokhorela amuluku eethiru?

• Ovarihana xeeni okhale waakokhorela amuluku eethiru ni oraruwa?

• Xeeni munna orina iparakha mmulokoni onireerela awe okhalana ephoole yuulupale ni soophavela sa amwaarawe?