1-7 YA ABRIL
ESALIMO 23-25
Nsipo 4 ni Nivekelo | Masu Oopacerya (1 min.)
1. “Apwiya [Yehova] ti Makampusi Aka”
(10 min.)
Yehova tonneettiha. (Esa 23:1-3; Sentinela 11 1/5 epaax. 31 etti. 3)
Yehova onninikhapelela. (Esa 23:4; Sentinela 11 1/5 epaax. 31 etti. 4)
Yehova tonnivaha eyoolya. (Esa 23:5; Sentinela 11 1/5 epaax. 31 etti. 5)
Sintoko siisaale makampusi onikhapelela awe saana ipwittipwitthi sawe, Yehova onnaakhapelela arumeyi awe.
MWIIKOHEKE SO: ‘Kiireke kootoko woona moota Yehova onikikhapelela awe mookumini mwaka?’
2. Itthu sa Efaita sa Mbiibiliyani
(10 min.)
Esa 23:3 — “Iphiro soloka” exeeni, nave exeeni enrowa onikhaliherya ohihiya weettela iphiro iyo? (Owehaweha 11 15/2 epaax. 24 itti. 1-3)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Esa 23:1–24:10. (Wiixuttiha yoosoma 5)
4. Ovaanela Woopacerya
(3 min.) OLALEERYA MOOHIILOKIHERYA. Mmooniherye mutthu yoolepa ya mbiibiliyani, yoowo oxankale mwaha wa itthu siniiraneya moolumwenkuni. (Waaphenta Atthu yoosoma 2 iponto 5)
5. Ohihiya Waakhaliherya
(4 min.) OLALEERYA EMPA NI EMPA. Mmutthokiherye moota enipakiwa aya yoosoma ya Biibiliya mutthu eemerenrye ebroxuura Okumi Woohimala! (Waaphenta Atthu Yoosoma 9 iponto 3)
6. Waapaka Awiixutti
Nsipo 54
(15 min.)
7. Nihiiweleleke Nsu Nihinsuwela Ahu (15 min.) Mwaha ni makoho vakhaani.
Ipwittipwitthi sinnisuwela nsu na makampusi aya. Masi okathi siniiwa aya nsu na mutthu sihinimusuwela aya, sinnitthyawa. (Yoh 10:5) Moolikanasa, nihaana wiiwelelaka nsu na Yehova ni Yesu, yaawo ari amakampusi ahu oophenta ni oororomeleya. (Esa 23:1; Yoh 10:11) Niheemereryeke itthu sinihimmwa ni atthu aniphavela ohonona waamini wahu, yaawo anilavula “moolumo oowoka”. — 2 Pe 2:1, 3.
Maphattuwelo ekapiitulu 3, onnihimya ekwaha yoopacerya naiwanyennye aya valaponi nsu noohiloka. Satana aahinwoka Eva, voohihimya opuro aakhuma awe nnakhala nsina nawe, masi ootherenrye okhala mpatthani awe. Aahihonona moolumo ni soophavela sa Yehova, nto mooriipiha murima Eva aaheemererya moolumo oohiloka a Satana. Nuumala-vo, aahiikumiherya mixankiho yena ni amusi awe.
Olelo-va, Satana onneererya oniiriha waanyiherya ekeekhai voohimya sa Yehova ni mutthenkeso awe. Owo onnipaka eyo orumeelaka soohimmwa soohiloka, itthu seethiru ni moolumo oowootha. Okathi nniiwa ahu moolumo oohiloka, nihaana okhuma moowaakuveya! Ti voowoopiha owiriyana moolumo awo, hata mwa okathi vakhaani paahi. Muhiliyale wiira Satana aahiwerya onwoka Eva ni moolumo vakhaani paahi. (Map 3:1, 4, 5) Ankhi akhala wiira mutthu onimphenta ahu onniphavela onooniherya itthu soohiloka voohimya sa mutthenkeso wa Yehova?
Nwehe EVIIDIYU Mukhootteke ‘Nsu na Mutthu Muhinimusuwela Anyu’. Nuumala-vo, mwaakohe alipa-oowiriyana nikoho ninttharelana:
Exeeni mwiixuntte anyu sa moota Rosa aamuthokorerya awe maamawe?
8. Yoosoma ya Biibiliya ya Muloko
(30 min.) Mwiixutte Myaha sa Biibiliya Yoosoma 24