29 A JULHO–4 A AGOSTO
ESALIMO 69
Nsipo 13 ni Nivekelo | Masu Oopacerya (1 min.)
1. Itthu Saamwiiranenle Yesu Sinihimmwa Esalimo 69
(10 min.)
Yesu aahinyokhiwa vahimulattu. (Esa 69:4; Yoh 15:24, 25; Sentinela 11 15/8 epaax. 11 etti. 17)
Yesu aanikhalela nthiti okokhorela weekeekhai. (Esa 69:9; Yoh 2:13-17; Sentinela 10 15/12 epaax. 8 itti. 7-8)
Yesu saahimphwanya mixankiho nave aahivahiwa eviinyu yaatakaiheriwe ni makukhu oowaawa. (Esa 69:20, 21; Mit 27:34; Luk 22:44; Yoh 19:34; Despertai! 95 22/10 epaax. 31 etti. 4; Perspicaz vol. 2 epaax. 660 etti. 2)
WIIRA MUUPUWELELE: Xeeni Yehova eemerenrya awe wiira eprofesia enimuhimya Mesiya, elempwe mwa Soolempwa sa eHeeberi?
2. Itthu sa Efaita sa Mbiibiliyani
(10 min.)
Esa 69:30, 31 — Iversiikulu iya sinnikhaliherya sai olokiherya saana mavekelo ahu? (Owehaweha 99 15/1 epaax. 18 etti. 11)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Esa 69:1-25. (Wiixuttiha yoosoma 2)
4. Opixa Murima — Etthu Yesu Aapanke Awe
(7 min.) Mwaha ni makoho vakhaani. Nwehe EVIIDIYU, nuumala-vo, nvaanele ni alipa-oowiriyana murumeelaka ebroxuura Waaphenta Atthu yoosoma 8 iponto 1-2.
5. Opixa Murima — Mmutakiheke Yesu
(8 min.) Mwaha ni makoho vakhaani murumeelaka ebroxuura Waaphenta Atthu yoosoma 8 iponto 3-5 ni mpantta oni: “Nwehe-tho Soolepa iya”.
Nsipo 134
6. Sootthuneya sa Mmulokoni
(5 min.)
7. Malakiheryo a Moota Woomulompa Muluku Vatthokoni
(10 min.) Mwaha ni makoho vakhaani.
Janeiro a 2009, yaahikhala marukunuxo ni Yoosoma ya Biibiliya ya Muloko. Marukunuxo awo, yaahiiriha yoosoma eyo okhalaka nihiku nimosa-ru ni Exikola ya Orummwa wa Muluku, Okathi Saapakiwa aya Mithukumano simosa-ru sa eriyari ya esumana. Eyo yaahikhaliherya imusi wiira sikhalaneke nihiku na omulompa Muluku vatthokoni khula esumana. Anamunceene yaahixukhurela vanceene mareheryo awo yaapakiwe maana yaanaakhaliherya waataana ni Yehova ni atthu akina. — Otu 6:6, 7.
Malakiheryo xeeni anrowa waakhaliherya ahooleli a etthoko, okhalana ni okhumela saana eprokrama ya Omulompa Muluku Vatthokoni?
Mpakeke eyo moohihiyererya. Vaaweryaneyaka, khula esumana mwiivaheke okathi wiira mukhalane omulompa Muluku vatthokoni. Muthanleke mahiku manli, wiira nihiku mulimalenle anyu sakhumelela itthu mootutuxerya, nihiku nikina muthanlale anyu, vaweryaneyeke okhalana omulompa Muluku vatthokoni
Mwiilokiheryeke. Nvaaneleke ni mwaarinyu ni mwaakoheke aniinyu okathi ni itthu mukhanle anyu oothokorerya. Khivanipirisari oviriha okathi munceene mwiilokiheryaka, otepexa wene vakhala wiira emusi eyo ennisiveliwa ovara miteko sikina khula esumana
Mpakeke eprokrama wiira emusi anyu etthareke. Okathi anamwane aninnuwa aya, soophavela saya ni makhalelo aya anniturukeya. Nto eprokrama anyu pooti omukhaliherya khula mmosa a vatthokoni vanyu olipiha waamini wawe
Mphavelaseke opuro wooreera ni woomaaleleya. Ikwaha sikina, nyuwo pooti othanla osoma opuro enivira aya epheyo moona wiira vannireerela. Nave vaareerelaka muhaavyeke okathi wiira mphumurye nuumala-vo mutthikeleke yoosoma anyu. Nnaamwi ori ene okathi khula mutthu okhanle awe oohimya moonelo awe ni moota wooxintta mixankiho, muhirumeeleke okathi owo wiira mwaapwapwele aahiiso waaphukela aniinyu
Muthokoreryeke myaha soovirikana. Mwa ntakiheryo, yoosoma anyu pooti ohela muhina olokiherya mithukumano sinittharelana, oweha eviidiyu eri va jw.org ni olokiherya muteko woolaleerya. Nnaamwi yoosoma eyo ori ene okathi wa ovaanela, masi khula mutthu a vatthokoni-vo pooti okhalana okathi wiira okhalane yoosoma awe ya omwaneene
Mwaakohe alipa-oowiriyana nikoho ninttharelana:
Niireke munniimananiha ovarihela muteko malakiheryo ala, okathi munimulompa anyu Muluku vatthokoni?
8. Yoosoma ya Biibiliya ya Muloko
(30 min.) Mwiixutte Myaha sa Biibiliya yoosoma 41