18-24 YA NOVEMBRO
ESAALIMU 107-108
Nsipo 7 ni Nivekelo | Masu Oopacerya (1 min.)
1. “Mmuxukhureleke Yehova, Okhala Wiira Owo Tooreera Murima”
(10 min.)
Ntoko siisaale Yehova aawooponle awe aisarayeli oBabiloonia, nave-tho olelo-va, owo onoonoopola olumwenku ola wa Satana. (Esa 107:1, 2; aKol 1:13, 14)
Ninnooniherya omuxukhurela wahu Yehova okathi nninvuwiha ahu mmulokoni. (Esa 107:31, 32; Sentinela 15/04/2007 epaax. 20 etti. 2)
Omuxukhurela wahu Yehova onnincerereya okathi nnuupuwela ahu itthu sootheene onipakenle awe. (Esa 107:43; Owehaweha 15/01/2015 epaax. 9 etti. 4)
2. Itthu sa Efaita sa Mbiibiliyani
(10 min.)
Esa 108:9 — Woonasa wene xeeni oMowabi waalikanyihiwa aya ni ‘epasiya oniirapiha awe’ Muluku? (Perspicaz vol. 2 epaax. 396 etti. 3)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Esa 107:1-28. (Wiixuttiha yoosoma 5)
4. Ovaanela Woopacerya
(3 min.) OLALEERYA MOOHIILOKIHERYA. (Waaphenta Atthu yoosoma 1 eponto 4)
5. Ohihiya Waakhaliherya
(4 min.) OLALEERYA MOOHILOKIHERYA. Mmutthokiherye mutthu owo voohimya sa eprokrama ya yoosoma ya Biibiliya ni munvahe ekartau ya kursu a Biibiliya. (Waaphenta Atthu yoosoma 9 eponto 3)
6. Mwaha
(5 min.) Nvenye! 22/04/2004 epaax. 7 — Muru: Munrowa Owerya Sai Oxintta Moonelo Woohiloka? (Wiixuttiha yoosoma 14)
Nsipo 46
7. Ninnimuxukhurela Yehova Okathi Nniipa Ahu
(15 min.) Mwaha ni makoho vakhaani.
Nuumala Yehova owoopola aisarayeli mmatatani mwa anakhotto a wEjiitu, ephareya Yooxeerya, awo yaahimwiipela nsipo Yehova amuxukhurelaka. (Okh 15:1-19) Alopwana ti yaapacenrye wiipa nsipo nlo nsya. (Okh 15:21) Nave-tho Yesu ni makristau oopacerya yaaniipa isipo anvuwihaka Muluku. (Mat 26:30; aKol 3:16) Ninnimuxukhurela Yehova, okathi oniipa ahu Empa ya Omwene, wasembeleyani ni okonkresuni. Mwa ntakiheryo, nsipo nimanle ahu wiipa nni: “Ninnooxukhuruni Yehova”, ninniipiwa mmuthukumanoni okhuma mwaakha wa 1966.
Ilapo sikina, alopwana pooti wuuliwaka muru wiipa opuro ari atthu anceene. Woonasa wene, alopwana ni athiyana akina, khaniphavela wiipa maana anuupuwela wiira kharina nsu nooreera. Tivonto, nihiliyale wiira wiipa okathi wa mithukumano oniirela mpantta okokhorela wahu. Mutthenkeso wa Yehova, onniimananiha vanceene okumiherya isipo sooreera ni othanla isipo wiira niipeke okathi wa mithukumano. Etthu nikhanle ahu oopaka wiira nooniherye omphenta ni omuxukhuru wahu Yehova, ori wiipa hoothe ni murima ahu wootheene.
Nwehe EVIIDIYU Yoowiiraneya Ahu Yoovara Murima — Wiipa ni Murima Wootheene, Mpantta 2. Nuumala-vo, mwaakohe alipa-oowiriyana makoho anittharelana:
Exeeni yiiraneyale mwaakha wa 1944?
Moota xeeni anna ni arokora a oSibéria yoonihenrye aya oxukhurela waya yiipaka isipo sa Omwene?
Xeeni wiipa eri aya etthu ya faita yuulupale wa Anamoona a Yehova?
8. Yoosoma ya Biibiliya ya Muloko
(30 min.) Mwiixutte Myaha sa Biibiliya Yoosoma 57