5-11 YA MAIO

MIHAKHU SINIKHUMA MBIIBILIYANI

1. Ovara Muteko ni Nthiti Onnikumiherya Mireerelo

(10 min.)

Muhihononeke okathi anyu mphavelaka itthu sihirina efaita. (Mir 12:11)

Nvareke muteko ni nthiti ni muhilosoweke. (Mir 12:24; Owehaweha 06/2016 epaax. 30 etti. 6)

Mwaimananiha ovara muteko ni nthiti, munootthuveliwa. (Mir 12:14)

Ifootu sikolariwe opuro omosa: Munna mmosa iimananihaka ovara muteko awe wa omontari ituupu ni okhalela nthiti miteko sa Muluku. 1. Okunxe ene materiyaale onivarana awe muteko. 2. Owo onnirumeela exaavi wiira omontari etuupu yuulupale. 3. Ori ene omuthukumanoni vamosa ni atthu a etthoko awe. Yena vamosa ni mwanawe anneemexa moono wiira akomentari. 4. Owo onnirumeela efolyeeto wiira omulaleerye mulopwana mmosa omutekoni.

MALAKIHERYO: Ovara muteko ni nthiti onnihakalaliha, vakhala wiira nnimuupuwelela moota onaakhaliherya aya atthu akina. — Mit 20:35; Owehaweha 01/02/2015 epaax. 5 itti. 4-6.

2. Itthu sa Efaita sa Mbiibiliyani

(10 min.)

Mir 12:25 — Moolumo ahu anrowa waalipiha sai atthu akina? (Owehaweha 09/2024 epaax. 28 etti. 10)

Mwaakhule va
Itthu xeeni sa efaita siphwannye anyu okathi mwaamusoma anyu Biibiliya esumana ela?

Mwaakhule va

3. Omuleeri Biibiliya

(4 min.) Mir 12:1-20 (Wiixuttiha yoosoma 5)

MUKHALELEKE NTHITI MUTEKO WOOLALEERYA

4. Ovaanela Woopacerya

(2 min.) OLALEERYA EMPA NI EMPA. (Waaphenta Atthu yoosoma 1 eponto 4)

5. Ovaanela Woopacerya

(3 min.) OLALEERYA EMPA NI EMPA. Munvahe yoosoma ya Biibiliya. (Waaphenta Atthu yoosoma 5 eponto 4)

6. Ohihiya Waakhaliherya

(3 min.) OLALEERYA MOOHIILOKIHERYA. Mmooniherye esaite ahu mutthu orina anamwane. (Waaphenta Atthu yoosoma 9 eponto 3)

7. Otthokiherya Sookupali Sanyu

(3 min.) Yoowooniherya. Itthu Sinimakela Okohiwa Anamoona a Yehova mwaha 3 — Muru: Niireke Nyuwo Munikupali Wiira Etiini Anyu Tekhanle ya Ekeekhai? (Waaphenta Atthu yoosoma 4 eponto 3)

MAKHALELO A MAKRISTAU

8. Yehova Onimookhaliheryani Oxintta Othoiwa Musurukhu

(15 min.) Mwaha ni makoho vakhani.

Niireke nyuwo munnixanka mwaha wa othoiwa musurukhu, woomoliwa muteko, aahiiso ohiwerya othuma itthu mumphavela anyu nenna-va ni muhoolo? Itthu sa olumwenku ola waakuva omala. Vaakhala wiira nnoomuhelaka Yehova nipuro noopacerya, owo ooleiherya wiira onoonikhaliherya onivahaka itthu sinnithowa. Hata oniphwanya aka muxankiho mootutuxerya wa ohiwerya ophwanya musurukhu oniphiyerya, Yehova onoonikhaliherya. — Esa 46:1-3; 127:2; Mat 6:31-33.

Mpantta mmosa wa eviidiyu eni “Yehova Khonikhala-khala Oninyanyalaka.” Munna Alvarado ovarenle ene ntata na mwaarawe okathi anivekela aya vatthokoni.

Nwehe EVIIDIYU Yehova Khonikhala-khala Oninyanyalaka. Nuumala-vo, mwaakohe alipa-oowiriyana nikoho ninttharelana:

Exeeni mwiixuntte anyu ni yoowiiraneya ya munna Alvarado?

Mwaakhule va

Mmusome 1 Timootheyo 5:8. Nuumala-vo, mwaakohe alipa-oowiriyana nikoho ninttharelana:

Moota xeeni eversiikulu ela enlipiha aya waamini wanyu wiira Yehova khula okathi onimwaakhapelelaka arumeyi awe animukokhorela aavahaka itthu sinaathowa?

Mwaakhule va

Nwehe malakiheryo makina a mbiibiliyani anrowa wookhaliheryani oxintta muxankiho wa othoiwa musurukhu:

Mukhalaneke okumi woohaattiheriwa itthu. Musyakeke okopha-kopha ni muhirumeeleke musurukhu anyu moohiloka. — Mat 6:22
Okathi munithanla anyu muteko ni osoma, muheleke nipuro noopacerya waataana wanyu ni Yehova. — aFi 1:9-11
Mwiiyeviheke ni mwiilimaleliheke makhalelo a niinaano. Akhala wiira mooperteri muteko, mweemereryeke ovara miteko sikina hata miteko seiye sihinooneliwa vatthu. Eyo enimookhaliheryani owerya othuma itthu sinaathowa atthu a etthoko anyu. — Mir 14:23
Mwiimananiheke waavaha itthu murina anyu atthu akina hata muhirina itthu sinceene. — aHe 13:16

9. Yoosoma ya Biibiliya ya Muloko

(30 min.) Mwiixutte Myaha sa Biibiliya yoosoma 81