12-18 YA MAIO

MIRUKU 13

Nsipo 34 ni Nivekelo | Masu Oopacerya (1 min.)

MIHAKHU SINIKHUMA MBIIBILIYANI

1. Muhiwokiwe ni “Muthuko wa Atakhali”

(10 min.)

Atthu akina kharina nlipelelo na muhoolo. (Mir 13:9; Perspicaz vol. 2 epaax. 189 itti. 2-3)

Muhaataaneke naale aniiriha itthu sootakhala okhala sooloka. (Mir 13:20; Omphenta Muluku ipaax. 123-124 itti. 13-14)

Yehova onoomureeliha naxariya. (Mir 13:25; Owehaweha 15/07/2004 epaax. 31 etti. 6)

Ifootu saamukhaani: Ovirikana okhanle soothanla soohiloka sinipakiwa ni mulopwana mmosa ohikhanle Namoona a Yehova ni soothanla sooloka anna anli ari Anamoona a Yehova anipaka aya. 1. Mulopwana mmosa iinaka otiskoteeka ovarenle ene eviinyu awe mmatatani. 2. Nuumala-vo, onniwereiwa ni onniwurya mirette wiira openuwe. 3. Anna ni arokora atthekulaka hoothe makaaripi. Anna anli onnaasivela wiipa, wiina ni olya hoothe. 4. Mmeeloni mwaya anniwerya orowa olaleerya. — Ale aniimananiha ophavela itthu sa olumwenku ola, khanihakalala ntoko aniphavela aya. Masi ale anipaka ele Yehova oniphavela awe, anniphwanya mareeliho manceene ni okumi woohakalaliha

2. Itthu sa Efaita sa Mbiibiliyani

(10 min.)

Mir 13:24 — Xeeni vari aya vooloka oveka miruku? (Owehaweha 02/2022 epaax. 13 itti. 15-17)

Mwaakhule va
Itthu xeeni sa efaita siphwannye anyu okathi mwaamusoma anyu Biibiliya esumana ela?

Mwaakhule va

3. Omuleeri Biibiliya

(4 min.) Mir 13:1-17 (Wiixuttiha yoosoma 10)

MUKHALELEKE NTHITI MUTEKO WOOLALEERYA

4. Ovaanela Woopacerya

(3 min.) OLALEERYA EMPA NI EMPA. Nuumala opacerya ovaanela ni mutthu owo voohimya sa itthu siniiraneya moolumwenkuni, mmooniherye yoolepa ya mbiibiliyani ekhanle oomukhaliherya. (Waaphenta Atthu yoosoma 2 eponto 5)

5. Ovaanela Woopacerya

(4 min.) OLALEERYA MOOHIILOKIHERYA. Mmulattule mutthu owo wiira orowele mithukumano. (Waaphenta Atthu yoosoma 2 eponto 3)

6. Mwaha

(5 min.) Waaphenta Atthu apendise A eponto 9— Muru: Anamwane Anaattittimiha ni Owiiwelela Anamuyari Aya, Itthu Sinooweettela Saana. (Wiixuttiha yoosoma 16)

MAKHALELO A MAKRISTAU

Nsipo 77

7. “Muthuko wa Anaxariya Onnaarya Vanceene”

(8 min.) Mwaha ni makoho vakhani.

Biibiliya ookhalana miruku ni osuwela ohinlikananiwa. Vakhala wiira nnoohiya iphiro sahu sihooleliwaka ni Biibiliya, nnoohakalala nave nnookhalana okumi wooloka. Ohakalala ni okumi wooloka, itthu seiye olumwenku ohinwerya aya onivaha.

Mpantta wa eviidiyu eni “Omurumeela Yehova Tonniphwanyiha Ohakalala.” Murokora Gainanshina okilathale ene vamalaxini, owehaka wiirimu.

Nwehe EVIIDIYU Omurumeela Yehova Tonniphwanyiha Ohakalala. Nuumala-vo, mwaakohe alipa-oowiriyana nikoho ninttharelana:

Moota xeeni yoowiiraneya ya murokora Gainanshina yoonihenrya aya ovirikana okhanle eriyari ya “muthuko wa anaxariya” ni “muthuko wa atakhali”? — Mir 13:9

Mwaakhule va

Muhiyeeheke okathi anyu muupuwelaka itthu sa olumwenku ola, nave muhuupuweleke wiira moopaka etthu yoohiloka mwaha wa othanla omurumeela Yehova. (1 Yoh 2:15-17) Ohiya-vo, muupuweleke paahi “efaita erina aya omusuwela” Yehova. — aFi 3:8.