9-15 YA JUNHO

MIHAKHU SINIKHUMA MBIIBILIYANI

Anamathelana amosa wIsarayeli a khalai, akhuuraka ephaawu owannya aya. — Anamathelana amosa aisarayeli alya aka hoothe opuro woomaaleleya

1. Mukhaliheke Murettele Mukasamentoni Mwanyu

(10 min.)

Ekasamento anyu enookhala yoohakalala, vakhala wiira munimwiimananiha okhaliha murettele. (Mir 17:1; nwehe efootu ya vakaapani)

Muhinanariweke mwaha wa itthu saamukhaani Paahi. (Mir 17:9; Nvenye! 09/2014 epaax. 11 etti. 2)

Musyakeke ophavela onyakulihana. (Mir 17:14; Owehaweha 01/05/2008 epaax. 10 itti. 6-11 eponto 1)

Anamathelana amosa ahirina ohakalala, akilaathale ene wiira alye eyoolya aya yoosiva. Ootheene aya akhunne ene miyoono saya, amuthiyana owehaka musulu ooniheryaka ohicala okathi iyawe onilavula awe.

2. Itthu sa Efaita sa Mbiibiliyani

(10 min.)

Mir 17:3 — Etthu xeeni yuulupale enniiriha okhapelelaka murima ahu? (Owehaweha 06/2023 ipaax. 20-21 etti. 3)

Mwaakhule va
Itthu xeeni sa efaita siphwannye anyu okathi mwaamusoma anyu Biibiliya esumana ela?

Mwaakhule va

3. Omuleeri Biibiliya

(4 min.) Mir 17:1-17 (Wiixuttiha yoosoma 10)

MUKHALELEKE NTHITI MUTEKO WOOLALEERYA

4. Ovaanela Woopacerya

(3 min.) OLALEERYA MOOHIILOKIHERYA. (Waaphenta Atthu yoosoma 3 eponto 5)

5. Ovaanela Woopacerya

(4 min.) OLALEERYA MAPURO OWAATTA ATTHU. Munvahe yoosoma ya Biibiliya. (Waaphenta Atthu yoosoma 6 eponto 4)

6. Mwaha

(5 min.) Owehaweha 01/2024 ipaax. 23-24 itti. 10-13 — Muru: Yehova Onimookhaliheryani. (Mir 17:17) (Wiixuttiha yoosoma 13)

MAKHALELO A MAKRISTAU

7. Mukhalaneke Yoolema ya Oleelana Saana Itthu

(15 min.) Mwaha ni makoho vakhaani.

Oleelana ni ovaanela, etthu yuulupale eniiriha etthoko okhala yoohakalala. Okathi atthu a vatthokoni anivaanela aya mootaphuwa, awo anoowerya okhaliheryana okathi wooxankiha. (Mir 15:22) Exeeni munrowa anyu opaka, wiira mwaakhaliherye atthu ootheene a etthoko anyu olavula mootaphuwa ni ohimya moonelo aya okathi munivaanela anyu?

Nviriheke okathi muri ene ni atthu a etthoko anyu. (Otu 6:6, 7) Okathi atthu a vatthokoni anivara aya miteko sa vatthokoni hoothe, orowa olaleerya, omithukumanoni ni otthekula hoothe, etthoko eyo ennikhala yoowiiraana mwaha wa ophenta ni ororomelana. Nave atthu awo annikhalana okathi woohakalala hoothe. Ikwaha sikina pooti opirisariki oleva opaka itthu sinoosivelani, wiira mpake itthu sinaasivela atthu a etthoko anyu. Masi mweemererya opaka marukunuxo awo, nyuwo munoophwanya mareeliho manceene. (aFi 2:3, 4) Munrowa ottottela sai mureerelo okathi anyu, muri ene hoothe ni amusi anyu? — aEef 5:15, 16.

Mpantta wa eviidiyu eni “Mphavelaseke Okhalana Murettele Mweemusini Mwanyu —⁠ Nvaaneleke Saana”. Emusi emosa elyaaka hoothe.

Nwehe EVIIDIYU Mphavelaseke Okhalana Murettele Mweemusini Mwanyu — Nvaaneleke Saana. Nuumala-vo, mwaakohe alipa-oowiriyana makoho anittharelana:

Mixankiho xeeni sikhanle ookhumelela vatthokoni mwaha woohaarumeela saana atelefoni?

Mwaakhule va
Eviidiyu ela ewiixuttinheni exeeni sa oleelana itthu ni ovaanela vatthokoni?

Mwaakhule va

Mwaawiriyaneke saana atthu akina. (Yak 1:19) Anamwane vannaakhweela olavula mootaphuwa vakhala wiira anniwiriyaniwa ni khanoova opwapweliwa. Tivonto, mpakeke ele eniwerya anyu, wiira muhaakuveke onanariwa aahiiso ompwapwela mwaninyu akhala wiira onnooleelani etthu. (Mir 17:27) Ohiya-vo, munwiriyaneke mooreerela murima. Mwiimananiheke osuwela itthu sinuupuwela awe ni itthu sinimuxankiha wiira nwerye ommaaliha ni omukhaliherya moophenta.

8. Yoosoma ya Biibiliya ya Muloko

(30 min.) Mwiixutte Myaha sa Biibiliya yoosoma 86